Ang pagiging "open book" ng buhay niya sa social media ang isa sa mga naisip ni Kris Bernal na dahilan kung bakit nabiktima siya ng fake Grab Food booking.
Matatandaang nitong July 3, 2021, isinawalat ng aktres sa kanyang Instagram post ang pagdating ng mahigit ng 20 food deliveries sa bahay niya simula ala una ng hapon hanggang alas nuwebe ng gabi,
Isang nagngangalang "Jen Jen Manalo" raw ang nag-order.
Hindi kilala ni Kris si Jen Jen kaya nang tanungin kung bakit siya nasangkot sa ganoong insidente, aniya, "I think it's because my life is an open book. I share almost everything on social media."
Sa karanasang ito natutunan ng StarStruck alumna na kahit ang purpose ng mga posts niya ay "not to get attention but to serve as an inspiration," may mga detalyeng nasi-share siya sa social media na puwedeng magamit ng scammers.
Matatandaang noong September 2019 ay nabiktima rin siya ng mga hackers na base sa bansang Turkey.
Nang makausap niya ang mga ito sa messaging at calling platform na WhatsApp, pinagbabayad raw siya ng US$700 para ma-recover niya ang kanyang Instagram account at email.
Isa pang natutunan ni Kris ay wag basta-basta magtitiwala sa tao.
Dugtong niya, "Also, I'm very approachable and I easily trust people kaya siguro madali akong maloko.
"Pero, I fight for what is right. Matapang ako sa ipinaglalaban ko."
Nakausap ng PEP.ph (Philippine Entertainment Portal) si Kris sa email kahapon, July 16.
KRIS BERNAL'S MAGPAKAILANMAN EPISODE
Mapapanood muli ang 32-year-old star sa GMA-7 mamayang gabi, July 17, 2021.
Matatandaang noong September 2020, inanunsiyo ni Kris sa vlog niya na isa na siyang freelance artist at hindi ni-enew ang kontrata niya with GMA Artist Center.
In November 2020, regular siyang napanood sa TV5—sa seryeng Ate Ng Ate Ko—at lumabas rin siya sa musical variety show na Sunday Noontime Live.
Nagkaroon siya ng guest appearance sa Kapuso serye na Owe My Love nitong February 2021.
Ang pagbibidahang episode niya sa Magpakailanman ang next Kapuso project ni Kris bilang isang freelance artist.
Ito ang maikling paliwanag ni Kris sa pamamagitan ng email kahapon, "I work as a freelancer so I can have projects with them."
Isa pa rin ba siyang Kapuso?
Tugon niya, "I am still a Kapuso, but of course that still depends on GMA Network if they have a project for me."
Paano naman niya ilalarawan ang pakiramdam ng palipat-lipat ng network?
Aniya, "It was a smooth ride. I had a chance to work with different actors from different networks.
"It felt uncertain for a time because there's no guarantee that there's a project."
Itong Sabado ay mapapanood si Kris sa episode ng Magpakailanman na pinamagatang "Asawa at Kabit sa Isang Bubong," kung saan makakasama niya sina Katrina Halili at Martin del Rosario.
Tampok rin dito si Ollie Espino bilang Albert, sa ilalim ng direksiyon ni Rechie Del Carmen, mula sa pananaliksik ni Karen P. Lustica, at sa panulat ni Loi Argel Nova.