Cool na si Jinkee Pacquaio sa mga comments sa kanyang all-pink outfit-of-the-day (OOTD) sa laban ng asawang si Senator Manny Pacquiao noong August 21 sa Las Vegas, Nevada.
Kung kahapon, August 27, ay may cryptic post siya about "jealous" people, ngayong araw ng Sabado, August 28, ay may joke na siya.
Nag-post si Jinkee ng larawan ng branded carpet sa kanilang bahay sa Los Angeles, California.
Biro niya sa caption, baka raw isama ng mga tao sa computation ang mamahaling carpet.
Dagdag pa niya, hindi talaga sa kanila ang Fendi Casa carpet kundi sa kanilang kapitbahay doon.
Buong caption ni Jinkee, “Basi apilon napud ug compute ang carpet [Baka isama sa pag-compute ang karpet] [laughing emojis]
“joke lang po! [laughing emojis]
“sa silingan lang ra ba ni! [sa kapitabahay namin ito!] [laughing emojis]”
View this post on Instagram
Ayon sa pananaliksik ng PEP.ph (Philippine Entertainment Portal), ang Fendi Casa carpet collection ay nagkakahalaga mula PHP50 thousand hanggang PHP500 thousand bawat isa.
Natuwa naman ang maraming followers ni Jinkee sa post.
“BITTERNESS IS A POISON”
Sa isa pa niyang bagong post sa Instagram, tila may pasaring naman si Jinkee sa mga taong “bitter.”
Saad niya, “Thought of the day..
“Bitterness is a poison to your soul. Jealousy kills your happiness. Insecurity destroys your goodness.
“No matter how good you are to the people, there is always a person who hates you for no reasons.
“But still continue to do good to them with the love of the Lord
“Love more! Be happy! Life is short!”
View this post on Instagram
Kamakailan lamang, naging viral ang all-pink outfit ni Jinkee sa laban ng asawa dahil ang kabuuang presyo ng kanyang damit, alahas, bag, at sapatos ay umaabot sa halos PHP2.2M, base sa computation ng PEP.ph (Philippine Entertainment Portal).
Bagamat common knowledge na ang pagkahilig ni Jinkee sa mga designer brands at madalas itong mag-post ng OOTDs niya sa Instagram, may mga netizens na pinulaan ang asawa ng senador.
"Insensitive” raw ito sa maraming mga Pilipinong naghihirap ngayong pandemya.
May ilan namang nagtanggol kay Jinkee, lalo pa't hindi naman niya intensiyong magyabang at namumuhay naman siya nang ayon sa kanilang means.
Ang posts niya sa Instagram noong August 26 ay mga famous quotes na tila pasaring sa mga taong sa tingin niya ay walang magawa sa kanilang buhay kaya ang buhay ng iba ang pinag-uusapan.
Ibinahagi rin ni Jinkee ang isang kasabihan mula sa Proverbs 14:30 patungkol sa mapayapang puso at pagkainggit.
Buong post niya, “Some people have so little going on in their lives, they would rather discuss yours. [smiling face with open mouth and cold sweat]
“Remember, people only rain on your parade because they're jealous of your sun and tired of their shade. [smiling face with heart-shaped eyes emoji]
“Spread Love! We should love one another, for GOD is love! [praying hands, herat emojis]
“God is good all the time! [sparkles emoji]
“Proverbs 14:30, A peaceful heart leads to a healthy body; jealousy is like cancer in the bones."
View this post on Instagram
Use these MetroMart promo codes when you shop or order online. Marami pang ibang coupons dito.