Ipinagdiwang nina Kiko Estrada at Heaven Peralejo ang kanilang third monthsary bilang magkasintahan kahapon, August 30.
Sa vlog ni Ogie Diaz na lumabas noong August 24, sinabi ni Kiko na pormal silang naging magkarelasyon ni Heaven noong May 30, 2021, tatlong buwan matapos silang maghiwalay ni Devon Seron noong Pebrero.
Sa post ni Kiko sa Instagram, makikita ang sweet na sweet na larawan nila ng nobya.
Simpleng caption ng 26-year-old actor: “queen & slim”
View this post on Instagram
Tugon ni Heaven, 21: “Forever grateful for you [heart emoji]”
Limitado lang ang maaaring magkomento sa post na ito ni Kiko kaya walang mababasang ibang reaksiyon.
Samantala, wala pang post si Heaven sa kanyang Instagram tungkol sa monthsary nila ni Kiko.
Matatandaang nilinaw ni Kiko sa vlog ng entertainment writer at talent manager na si Diaz dahil sa akusasyong pinagsabay niya sina Devon at Heaven.
Nagbigay rin siya ng detalye kung kailan pumasok sa buhay niya si Heaven. Dito ay iginiit ng aktor na nagkamabutihan sila ni Heaven isang buwan pagkatapos nilang wakasan ni Devon ang kanilang relasyon.
Diin pa ni Kiko, hindi nag-overlap ang relasyon niya kina Devon at Heaven.
Saad niya, “A month after, pero we're still not together at this point, we're just talking and, you know, trying to get to know each other...
“Through the hardships, through the issues, we became closer. So, I would never expect na magiging kami or in any way, form, whatsoever.
“So, nakakalungkot lang na, yun nga, it had to be this way, yung reaction of people.”
Tumagal ng lagpas dalawang taon ang relasyon nina Kiko at Devon. Naghiwalay sila nitong unang bahagi ng 2021.
Hanggang ngayon ay nananatiling tahimik si Devon sa hiwalayan nila ni Kiko.
Ang kanyang kapatid na si Chriselda "Dhemy" Seron, na nakabase sa Australia, ang laging nagpapasaring kina Kiko at Heaven.
Use these Shopee vouchers when you shop or order online. Marami pang ibang coupons dito.