Ipinakilala na ng Miss Universe Philippines Organization (MUPO) ang Top 30 candidates na sasabak sa in-person competition para sa Miss Universe Philippines 2021.
Ang buong listahan ay inilabas ng MUPO 2021, sa pamamagitan ng isang video na mapapanood sa official YouTube channel ng Empire Philippines, nitong Miyerkules ng gabi, September 1.
Si Miss Universe Philippines 2020 4th runner-up Kimberly Hakenson at ang model-actor Nico Locco ang nagsilbing hosts ng announcement.
Limang virtual challenges ang ginawa ng Top 100 candidates mula July hanggang August 2021 para sa Miss Universe Philippines 2021.
Mula Top 100 ay nabawasan ito ng hanggang Top 75, Top 50, at ngayon ay Top 30.
Bukod sa online votes, nagkaroon din ng judges/panelist delibration upang piliin ang mga finalist.
Tatlong kandidata ang automatic na napabilang sa listahan ng Top 30 candidates matapos ang online voting na naganap mula August 22, 2021 hanggang August 31, 2021 sa MUPH app.
Ito ay sina Kisses Delavin ng Masbate, Maureen Wroblewitz ng Pangasinan, at Steffi Aberasturi ng Cebu Province.
Pareho ring itinanghal na challenge winners sina Maureen at Steffi. Si Maureen ang nakakuha ng top spot sa Casting Challenge, habang si Steffi naman sa Runway Challenge.
Pasok din ang ilan challenge winners na sina Maria Corazon Abalos ng Mandaluyong (Headshot Challenge), Beatrice Luigi Gomez ng Cebu City (Introduction Challenge), at Victoria Vincent ng Cavite (Interview Challenge).
Nasa listahan din ang iba pang frontrunners kabilang sina Leren Mae Bautista ng Laguna, Katrina Dimaranan ng Taguig, Rosanne Anne Bernos ng San Juan City, Janela Joy Cuaton ng Albay, at Simone Nadine Bornilla ng Marinduque.
Narito ang buong listahan ng Top 30 ng Miss Universe Philippines 2021:
- Grace Charmaine Banua Vendiola - Negros Oriental
- Vincy Labadan Vacalares - Cagayan de Oro City
- Noelyn Rose Mabuhay Campos - Antique
- Rousanne Marie Bernos - San Juan City
- Maria Corazon Abalos - Mandaluyong City
- Janela Joy Cuaton - Albay
- Kheshapornam Ramachandran - Ilo-ilo City
- Maria Ingrid Teresita Santamaria - Parañaque
- Izabella Jasmine Umali - Manila
- Maureen Wroblewitz - Pangasinan
- Princess Kristha Singh - Pasig City
- Jedidah Hefervez Korinihona - Davao del Sur
- Jan Louise Abejero - Reina Mercedes, Isabela
- Leren Mae Bautista - Laguna
- Jane Nicole Minano - Romblon
- Krizzaleen Mae Valencia - Davao Occidental
- Michele Angela Navarro Okol - Siargao
- Megan Julia Roa Digal - Bukidnon
- Beatrice Luigi Gomez - Cebu City
- Kirsten Danielle Delavin - Masbate
- Victoria Velasquez Vincent - Cavite
- Chella Grace Falconer - Misamis Oriental
- Joanna Marie Rabe - Zambales
- Katrina Dimaranan - Taguig City
- Christelle Abello - Aklan
- Mirjan Hipolito - Angeles City
- Ybonne Ortega - Davao City
- Isabelle De Los Santos - Makati City
- Simone Nadine Bornilla - Marinduque
- Steffi Rose Aberasturi - Cebu Province
Gaganapin ang grand coronation ng Miss Universe Philippines 2021 sa September 25, 2021. Dito ipapasa ni Rabiya Mateo ang kanyang titulo.
Nakatakda namang ganapin ang Miss Universe 2021 sa Israel sa December 2021.
Use these MetroMart promo codes when you shop or order online. Marami pang ibang coupons dito.