May Season 2 ba ang Squid Game? If so, kailan ito ipapalabas?
Iyan ang tanong ng maraming nakapanood ng nine-episode South Korean survival drama series na namamayagpag sa Netflix—sa iba’t ibang panig ng daigdig.
“I don’t have well developed plans for Squid Game 2,” pahayag ng writer-director na si Hwang Dong-hyuk sa panayam ng Variety na nalathala noong Setyembre 24.
“It is quite tiring just thinking about it. But if I were to do it, I would certainly not do it alone.
“I’d consider using a writers’ room and would want multiple experienced directors.”
Ayon kay Direktor Hwang, baka bumalik muna siya sa paggawa ng feature film bago gumawa ng Squid Game sequel.
Ginagawa niya ang draft ng isang pelikula na ang working title ay KO Club, short for Killing Old Men Club.
Itong Squid Game ang unang TV series na isinulat at idinirek ni Direktor Hwang. Sanay siya sa pagsusulat at pagdidirek ng pelikula.
Noong 2008 pa na-conceptualize ni Direk Hwang ang Squid Game bilang pelikula, bago niya in-expand ang istorya at ginawang serye.
SPOILER ALERT!
Sa huling episode ng Squid Game, palipad na sana pa-Amerika ang bidang karakter na si Seong Gi-hun (Player 456) para dalawin ang kanyang anak na si Ga-yeong.
Nagbago ang kanyang isip, at gusto niyang tugisin ang mga nasa likod ng Squid Game—kahit batid niyang pumanaw na ang mastermind ng palaro.
LEE JUNG-JAE
Ang gumanap bilang Gi-hun ay ang dating fashion model at napakakisig na si Lee Jung-jae.
Lee Jung-jae
Iba-iba ang genre ng mga pelikula niya. Merong romance, drama, comedy, action, heist, film noir, at period.
Kabilang sa mga pelikulang nilabasan niya ay An Affair (1998), City of the Rising Sun (1999), Il Mare (2000), Last Present (2001), The Last Witness (2001), Over The Rainbow (2002), Oh! Brothers (2003), Typhoon (2005), The Accidental Gangster and the Mistaken Courtesan (2008), The Housemaid (2010), The Thieves (2012), New World (2013), The Face Reader (2013), Big Match (2014), Assassination (2015), Tik Tok (2016), Operation Chromite (2016), Warriors of the Dawn (2017), at Deliver Us From Evil (2020).
Ilan sa mga TV series niya ay Feelings (1993), Sandglass (1995), White Nights 3.98 (1998), Air City (2007), Triple (2009), at Chief of Staff (2019).
Dito sa Squid Game ay sinadyang pagmukhaing dugyot si Lee Jung-jae.
Ang karakter kasi niyang si Gi-hun ay patapon ang buhay, adik sa sugal, baon sa utang, diborsyado, ilang taon nang walang trabaho, at pinagnakawan maging ang ATM card ng ina.
Ang hitsura ni Gi-hun ay maaaring pahiwatig sa kalagayan ng entertainment industry ng South Korea.
Namamayagpag man ngayon ang South Korea sa larangan ng musika, TV at pelikula, tatalakayin sa isang seminar ng 2021 Busan International Film Festival (Oktubre 6-15) ang nalalapit na krisis ng entertainment sector.
“Outwardly, Korean entertainment seems to be doing very well,” paliwanag ni Direktor Hwang sa Variety.
“Think of BTS, Parasite, "Gangnam Style" or Crash Landing on You. But South Korean society is also very competitive and stressful.
“We have 50 million people in a small place. And, cut off from the continent of Asia by North Korea, we have developed an island mentality.
“Some of that stress is carried over in the way that we are always preparing for the next crisis.
“In some ways it is a motivator. It helps us ask what more should be done. But such competition also has side-effects.”
PLAYER 069
Naaliw si Mr. Fu sa Squid Game.
Sakaling may season 2 ito, inaasam kuning-kuning ni Mr. Fu na gumanap bilang Player 069.
“Aliw na aliw ako diyan kay Ate Doll kaya sinadya ko talaga siya last Saturday sa Robinson’s Galleria para makapag-pictorial!” saad ni Mr. Fu nitong Setyembre 28, Martes ng hapon, via Messenger.
Agaw-eksena ang higanteng manika sa Episode 1 (“Red Light, Green Light”).
Nag-tweet ang KTX nitong Setyembre 26, Linggo ng gabi, “Digital KTXperiences? You don't need to finish this to have access to the hottest digital shows! Just visit ktx.ph and book your tickets. It is that easy! Hope you are having a great Sunday!”
Kalakip ng tweet ang artwork sa sugar honeycomb snack na may logo ng KTX. Inspired iyon sa Episode 3 (“The Man with the Umbrella”).
Ini-announce ng Serenitea sa Facebook ang kanilang promo, “Who’s participating in Serenitea’s Squid Rings Game? Look up, the prize is obviously these crispy and tasty squid rings that you can’t resist!
“So, are you playing?”
Kalakip ng FB post ang litrato ng Squid Game players na nakatingala—hindi sa mapapanalunang pera, kundi sa mangkok ng squid rings.
Nakipag-partner ang Netflix Philippines sa It’s Showtime at noong Setyembre 23, Huwebes, ay inilunsad ang palarong "Squid Game: Extra Life."
Ang nagkamit ng sweet victory noong Sabado ay si John Lapus. Kinabog ni Sweet si Dante Gulapa sa final round na “Wheel of Balance.”
Use these Nike promo codes when you shop or order online. Marami pang ibang coupons dito.