Kasado na ang pagkandidato ni Vice President Leni Robredo bilang pangulo sa 2022 elections.
Inihain ni Leni ang kanyang certificate of candidacy sa Sofitel Philippine Plaza sa Pasay City, kunsaan nakapuwesto ang Commission on Elections para sa filing ng COCs para sa national positions.
Ito ay makalipas ang apat na oras mula nang ianunsiyo niya ang intensiyong lumaban para sa pinakamataas na posisyon sa bansa sa susunod na taon.
Nanguna sa nag-trend sa Twitter ang "#LabanLeni2022" at "Pink" na signature color ni Leni sa halalan.
Si Leni ay dating human rights lawyer. Pumasa siya sa Bar noong 1996, at nagsilbi sa Public Attorney's Office (PAO).
Noong 2019, itinalaga siya ni Pangulong Rodrigo Duterte bilang co-chair ng Inter-Agency Committee on Anti-Illegal Drugs.
Pero pinatalsik din siya ng Pangulo sa puwesto dahil sa mainit na pagbatikos ni Leni sa aniya'y madugong anti-illegal drugs war ng administrasyon.
Sa kanyang talumpati kaninang umaga, binanggit ni Leni na ilan sa mga naimplementang proyekto ng kanyang Office of the Vice President ay "pabahay, ayuda, medical at livelihood assistance, lingap sa mga nasalanta, ang mga pailaw at classrooms at dorms, ang vaccine express," at iba pa.
Ito ay sa kabila ng limitado lamang ang budget na ibinigay sa kanyang tanggapan.
FULL SUPPORT FROM THREE DAUGHTERS
Kasama ni Leni ang mga anak na sina Tricia at Aika sa pag-file niya ng COC.
Ang bunso niyang anak na si Jillian ay nag-aaral sa New York, pero tumutok din sa announcement niya ngayong araw.
Tweet pa ni Jillian, "Since I was 12, I’ve been looking forward to the day where my Ates and I have Mama all to ourselves again, but I guess that would have to wait :)
"Mama, I’ve never been more proud to be your daughter.
"Happy I get to cast my vote for you this time around .#LabanLeni2022"
Parang nakasama na rin si Jillian dahil may litrato sina Leni, Aika, at Tricia na kasama siya via virtual call.
Asawi ni Leni ang pumanaw na Department of Interior and Local Government Secretary at dating Naga Mayor na si Jesse Robredo.
CELEBS WEAR PINK FOR LENI
Nakasuot ng pink top at pink ribbon si Leni bilang kanyang signature color ngayong halalan.
Nakiisa rin ang mga artista sa pagpu-post ng may kulay pink bilang tanda ng suporta nila sa kandidatura ni Leni ngayong 2022 elections.
Una na rito si Angel Locsin:
Ang mag-asawang Jolina Magdangal at Mark Escueta:
Nag-pink lipstick si Agot Isidro:
Nag-pink din si K Brosas:
Si Enchong Dee ay naglabas ng pink towel:
Si Lara Quigaman ay naka-matching pink suit at pants:
Nag-jumprope naman si Rica na nakulay pink din na damit:
Handa rin ang bandang Moonstar 88 sa kanilang pink OOTD:
