Idinaan na lamang sa patawa ng Kapamilya actress na si Michelle Vito ang espekulasyon ng mga tsismosang netizens—mas kilala sa tawag na “Marites”—na siya ay nagdadalantao.
Sumikat ang bansag na “Marites” dahil sa sunud-sunod na hiwalayan sa showbiz ngayong taon.
Linggo ng gabi, October 31, nag-upload si Michelle sa Instagram ng mga larawan niya kasama ang nobyong si Enzo Pineda. Kuha ito sa bakasyon nila sa Thunderbird Resort, Poro Point, San Fernando City, La Union.
Sabi ni Michelle sa caption, “Good times and tan lines [sun emoji]”
View this post on Instagram
Sa isang larawan, halata ang medyo maumbok niyang tiyan.
Sa hiwalay na post ni Enzo, sinabi nitong naging maayos ang kanilang weekend habang nagbabakasyon.
Sabi ng aktor sa caption, “A weekend well spent. God is good.”
View this post on Instagram
Sa coments section ng post ni Enzo, maraming netizens ang nagkomentong tila may kakaiba sa tiyan ni Michelle, na sa isang larawan ay parang tinatakpan niya ng kanyang mga kamay.
Tanong ng isang netizen, “Babybump? [heart emoji}”
Isang fan naman ng aktres at ni Enzo ang sumagot sa kanya.
Sabi nito, “busog lang po sya [laughing emoji]”
Komento ng isa pa, “Oww.. mukhang may revelation .magaganap yang patakip takip na yan [heart emoji]”
Sagot muli ng fan ng magkasintahan, “busog lang po sya [laughing emoji]”
Marami Apang kahalintulad na tanong mula sa netizens tungkol sa tiyan ni Michelle.
Nakarating ang mga komentong ito kay Michelle.
Sa kanyang Twitter account ngayong Lunes ng hapon, November 1, nag-post ang aktres tungkol sa katanungan ng mga “Marites.”
Ayon kay Michelle, busog lamang siya.
Buong status ni Michelle: “Happy monday mga marites.. gusto ko lang naman kumain.. busog lang po ako. [see no evil monkey emoji}
“So stop lunch na po kayo hays [laughing, face palm emojis]”
Lagpas isang taon na ang relasyon nina Enzo at Michelle.
Use these Lalamove promo codes when you shop or order online. Marami pang ibang coupons dito.