Ilang oras matapos kiligin ang loyal fans ng dating magka-love team nina Claudine Barretto at Rico Yan dahil sa ipinost ng aktres na lumang sulat umano sa kanya ng dating kasintahan, tila may duda naman ang ilang netizens kung sulat ba talaga ito ng yumaong matinee idol.
Iba raw kasi ang penmanship ni Rico base na rin sa mga dating sulat nito na ibinahagi ng aktres sa social media.
Ang ipinagtataka pa ng iba, bakit tila bago raw ang hitsura ng bond paper na ginamit sa sulat na ipinost ni Claudine gayong ang petsa nito ay "09 7 98" (September 7, 1998) o mahigit dalawang dekada na ang nakalilipas
Sabi ng isang netizen: “1998 pa ang sulat pero mukhang bago pa din ang papel at parang ngayon lang isinulat. Hindi naluma.”
Pagsang-ayon naman ng isa pang nagkomento: “yeah. And I know Rico was inglesero and maybe very particular with his grammar when he wrote. He actually graduated from De La Salle University."
Isa namang netizen ang diretsong tinanong ang aktres kung sulat kamay ba niya ito: “@claubarretto it is your penmanship po miss clau i think but did he somehow wrote or said this to you?? [crying emoji]”
Sinagot ito ni Claudine.
Aniya, “my penmanship po is ASSUPTION PENMANSHIP PO"
Tanong naman ng isa pa, “Aww, di RY wrote this po ba? [heart emoji]”
Tugon ni Claudine, “yes po”
"NOT MY WRITING"
Hindi naman mapigilan ng isang netizen ang kanyang damdamin na kuwestiyunin ang in-upload ni Claudine na sulat umano ni Rico.
Parang magkapareho raw kasi ang penmanship sa sulat na ipinost ni Claudine sa handwritten letter ng aktres para sa mga magulang niya noong April 2018.
View this post on Instagram
Komento ng nasabing netizen (published as is), “Kita ko lang po na same penmanship nung letter na binigay mo for your mam and it's different from rico's. and the paper looks new when it's been 19yrs since he passed away.
“No hate po, i am a big fan of ur loveteam but just wanna ask if did write this and pinost or cinopy nyo lng. Much love po @claubarretto
Tanggi ni Claudine, “no not my writing.”
Sa diumano'y lumang liham ni Rico kay Claudine, sinabi ng yumaong aktor na hindi siya makapaniwalang magkarelasyon na sila.
May petsa itong September 7, 1998, halos anim na buwan mula nang sila ay umaming may relasyon noong March 4, 1998.
Mababasa sa sulat umano ni Rico (published as is):
“Hunny,
“Just wanted you to know that you are the Best thing that has happened in my life.
“You Are My Life! While i watch you sleep i cant believe your mine.
“Thank You For Being my ROCK!
“and Hunny “YOU ROCK”
“I Love You Very Much
"Hunny.”
View this post on Instagram
Naghiwalay sina Claudine at Rico sa mismong araw ng kanilang ika-apat na anibersaryo, March 4, 2002.