Hindi na nagpaliguy-ligoy na sumagot ng "oo" ang GMA-7 actor-host na si Gil Cuerva nang tanungin ito kung nanliligaw ba siya sa kapwa Kapuso talent na si Lexi Gonzales.
Naganap ang rebelasyon sa "Tarantanong" segment ng Mars Pa More.
Nitong Huwebes, November 18, 2021, inupload ang chikahan nina Gil at Lexi kasama ang Mars Pa More hosts na sina Camille Prats at Iya Villania sa GMANetwork YouTube channel.
Sa interview, sinabi ni Gil na matagal na rin niyang kilala si Lexi ngunit mas nahulog ang loob nito nang mas makilala ang aktres nitong pandemya.
Aniya, "I mean si Lexi, matagal na namin na-guest sa Taste Buddies and then recently, nag-guest siya [ulit] sa Taste Buddies.
"And then parang, from there we kind of ano... nag-usap kami, we kind of clicked.
"Nag-start lang na... di ba pandemic? So parang nagmu-movie lang kami online-online, sharing each other's favorite movies.
"Stuff like that, and then, from there parang..."
Inamin ni Lexi na umaabot minsan ng pitong oras ang kanilang pagtetelebabad, noong kasagsagan ng lockdown sa Metro Manila dahil sa COVID-19 pandemic.
Ngunit ngayon, may chance na raw si Gil na mas makilala si Lexi sa personal.
Pahayag ni Gil, "Dun nag-start and then siyempre ngayon na ano, GCQ, medyo lumuwag na. At least, now, kahit papaano we're able to eat out, see each other more ofte. So, ganun lang."
Tinanong naman nina Camille at Iya si Lexi kung ano ang tingin nito kay Gil.
Sagot ni Lexi, "Well, si Gil is a really nice guy. And sobrang gentleman. Parang ipapa-feel niya talaga na you're important and yung care nando'n."
Sa huling bahagi ng interview, nilinaw ni Iya sa dalawa kung hindi pa sila in a relationship. Sabay namang napa-iling sina Gil at Lexi, hudyat na nasa getting-to-know stage pa lang ang mga ito.
Nakilala si Gil bilang matapos nitong maipareha kay Jennylyn Mercado sa Kapuso remake ng My Love From The Star.
Si Lexi naman ay dating Star Magic talent at naging produkto rin ng Season 7 ng StarStruck, ang reality-based artista search ng GMA-7.