Para kay Barbie Imperial ba ang meme na ibinahagi ni AJ Raval?
Ito ang mainit na usap-usapan ng netizens sa gitna ng kontrobersiya sangkot sina AJ, Barbie Imperial, at Diego Loyzaga.
Kahapon, November 29, nag-post sa Facebook si AJ ng meme na may written text na "Stay away from my man."
Sa baba nito ay may text kunsaan ang tinukoy na "Her man" ay litrato ng isang panot na tila alien o unggoy.
Tila sarkastiko ang dating ng meme na iyon.
Inuugnay ng netizens ang Facebook post ni AJ sa isyu sangkot ang magkasintahang Barbie at Diego.
Tingin nila ay patutsada ni AJ kay Barbie ang meme dahil tugma ito sa pinakawalang mainit na salita ni Barbie kay AJ na "Hindi ka gusto ng boyfriend ko."
Marami ang nag-comment sa post ni AJ ng mga litrato ni Diego na waring tinutukoy daw na "Her man" sa malamang meme ng Viva sexy star.
Nagtanong pa ang iba kung papatulan kaya ni Barbie ang meme ni AJ.
Umabot na ng 23,000 comments at 31,000 shares ang Facebook post ni AJ habang isinusulat ang artikulong ito.
BARBIE'S FIERY STATEMENT VERSUS AJ
Noon lamang November 28 lumabas ang panayam kay Barbie ng TV host na si Boy Abunda sa Cinema One.
Dito ay kinuwestiyon ni Barbie ang pananahimik ni AJ sa aniya'y fake news na binibisita umano ni Diego si AJ sa Pampanga habang naghihintay si Barbie sa Manila.
Galing ang impormasyong iyon kay Xian Gaza, isang social media personality na noong 2018 ay nahatulan ng Malaban court ng limang taong pagkakakulong matapos mapatunayang guilty sa paglabag sa Bouncing Check Law.
Ayon kay Barbie, kumpiyansa siyang tapat na nobyo sa kanya si Diego.
Ipinaliwanag ni Barbie na nagkatrabaho sina AJ at Diego sa pelikulang Death of A Girlfriend, pero naniniwala siyang walang naging ugnayan ang dalawa nang higit sa pagiging co-stars.
Umalma si Barbie dahil lumalabas na tino-tolerate umano ni AJ ang pagli-link sa kanila ni Diego.
Sabi ni Barbie: "Yung about dun kay AJ Raval, for me kasi, if wala kang kinalaman or alam mo naman na hindi ka kabit ni Diego, magsalita ka.
"For me, bakit parang gusto mo na nangyayari ito lahat na nagka-thing kayo ni Diego?
"And I heard, I have a proof na AJ and Xian Gaza are friends. She feeds him mga info na mga chismis.
"So, parang akin, 'Oh, gusto mo pala 'to.'"
Ani Barbie, itinuring niyang kaibigan si AJ noong nobyo nito ang best friend niyang si Axel Torres.
Kaya hindi raw akalain ni Barbie na hahayaan umano ni AJ na masangkot sila ng nobyong si Diego sa isyung walang basehan.
Dalawang beses iginiit ni Barbie na walang gusto si Diego kay AJ.
Ayaw na lang daw niyang idetalye kung bakit kumpiyansa siyang "hindi totoo" ang isyung pag-uugnay kina AJ at Diego dahil "ayaw ko lang mangsira ng ibang babae."
Si AJ ay nauugnay ngayon sa aktor na si Aljur Abrenica.