Engaged na si Miss Universe Philippines 2021 2nd runner-up Steffi Rose Aberasturi sa kanyang long-time boyfriend na si Karl Arcenas.
Walong taon na ang relasyon ng dalawa.
Mag-schoolmate sina Steffi at Karl sa University of San Carlos (USC), Cebu.
Sa kanyang Instagram Stories kagabi, January 23, 2022, ibinihagi ni Steffi ang ilang kuhang larawan sa engagement proposal ni Karl.
Ipinakita rin ng beauty queen ang engagement ring nila ng fiancé.
Noong July 18, 2021, ipinagdiwang nina Steffi at Karl ang kanilang ikawalong anibersaryo bilang magkasintahan.
Sabi pa ni Steffi sa kanyang post sa Instagram: “Celebrating 8 amazing years w/ boss KDA [two hearts emoji] thank you for being so supportive of my dreams and always having my back ! Love you always & forever”
View this post on Instagram
Simple lang din ang mensahe ni Karl sa kanya.
Sabi ng binata sa kanyang post sa Instagram na naka-private na ngayon: “Happy 8th Anniversary to my Universe. You do know how much i love you lang and im always here to support you on whatever endeavors you want in life.
“Go forward and make your dreams come true [heart emoji] Keep shining [sparkles emoji] @steffiaberasturi”
Tumatak ang pangalan ni Steffi sa beauty pageant aficionados dahil sa viral niyang pagrampa sa Runway Challenge ng Miss Universe Philippines 2021 noong nakaraang Agosto sa ginagawa pa lamang na Cebu-Cordova Link Expressway sa Cebu.