Ipinagdiriwang nina Gretchen Barretto, 51, at Tonyboy Cojuangco, 70, ang kanilang ika-28 anibersaryo bilang magkarelasyon ngayong Huwebes, February 3, 2022.
Sa kanyang Instagram, nagbahagi si Gretchen ng halos dalawang minutong video collage ng mga larawan nila ni Tonyboy mula noon hanggang ngayon.
May saliw ito ng kantang "Only You."
Maiksing caption ng aktres: “Our 28th [heart emoji]”
View this post on Instagram
Nagkomento naman dito ang kaisa-isang anak nina Gretchen at Tonyboy na si Dominique Cojuangco.
Sabi niya, “my favourites [crying emojis]”
Kabilang naman sa mga artistang bumati kina Dominique at Gretchen ay sina Arlene Muhlach, Rita Avila, Bing Loyzaga, at Melai Cantiveros.
GRETCHEN STRIKES BACK
Bagamat 28 taon nang nagsasama sina Gretchen at Tonyboy, hindi pa sila kasal.
Hanggang ngayon ay legally married pa rin si Tonyboy sa kanyang unang asawa, ang dating equestrienne na si Denise Yabut-Cojuangco.
Dahil dito, sa loob ng maraming taon, hindi tumitigil ang bashers online sa pagtawag kay Gretchen na "kabit” o "kerida."
Gayunpaman, ipinagkibit-balikat lamang ito ni Gretchen. Minsan ay sumasagot siya sa mga ito katulad na lamang noong 2018 nang sabihan siya ng isang netizen na "Kirida the dakilang kabit...”
Buwelta ni Gretchen (published as is): "Old news. yes, I am all that you say I am & you follow me on Instagram.
"I Rock, rule & REIGN ____ I am who is am & I so Loooove it & you Die in ENVY
"burn, burn, burn. I am the kabit who will live Happily ever after & YOU WILL BE THE ENVIOUS WHO WILL DIE EACH TIME YOU SEE ME SOAR HIGH.
"Rest In Peace envious biatch. I shall soar high while you die"
Sa parehong taon, sa selebrasyon ng ika-24 anibersaryo nina Gretchen at Tonyboy, ikinagulat ng mga nakatutok sa Instagram Live session noon ng aktres ang lantaran niyang pagbanggit na siya ay kabit ni Tonyboy.
Saad ni Gretchen, handa siya sa lahat ng pambabatikos na ibabato sa kanya ng netizens.
Aniya, "Mga kaibigan, you can accuse me of many things, nasty things. Puwede niyo akong sabihing malandi, I will accept it. Sasabihin niyo akong baduy, bagong yaman, I will accept it.
"Marami po kasing nag-i-stop sa akin, sa kadaldalan ko, but I’m on a roll. I want to say this.
"Sasabihin nilang kabit, aaminin ko for the past 23 or almost 24 years, opo, kabit po ako ni Tonyboy Cojuangco. I never denied it."
Aminado si Gretchen na nasasaktan siya sa tuwing tinatawag siyang "kabit" ngunit natutunan rin niyang balewalain na lang ang bagay na ito sa tuwing ipupukol sa kanya.
Paliwanag pa niya, “If you threw that at me five years ago, maglulupasay po ako. Halos magpakamatay po ako sa sakit sa aking dibdib pag tinatawag niyo akong kabit.
"But right now, after 23 lovely years with my Tonyboy, you can call me kabit and I will tell you, I am happily his kabit. I am happily his mistress."
Dagdag pa ni Gretchen, "I have a man who loves me unconditionally. Yes, it is true. Maybe I will never be married with him.
"Maybe he will never marry me. Maybe I will never have that dream to walk down the aisle and have that fabulous gown. But who cares?
"I have a very flawed life, a flawed relationship, but I’m happy. It’s not perfect.
"He understands me fully, he loves me fully, and in his eyes, I can do no wrong. So who am I to complain? Life isn’t perfect.
"Where we live right now, it’s not heaven, you know. And I’m not the only one who lives an imperfect life."
Sa huling bahagi ng kanyang 30-minute Instagram Live session, natatawa na lang si Gretchen nang ibahagi niya ang usapan nila ni Tonyboy nang magsumbong siya rito.
Kuwento ni Gretchen, "Sabi ko, 'Dada, they said I’m a gold-digger, I’m your kabit.'
"Sabi niya, 'Baba, you did not dig gold. I handed it to you. Now, can I have it back?'"
Birong sagot naman daw niya, "I said, 'No way!' I said, 'Now, you have to dig it back!' Hindi, loko lang."