Nakatutok din ang It’s Showtime co-host na si Kim Chiu sa Panata sa Bayan: The 2022 Presidential Candidates Forum na inorganisa ng Kapisanan ng mga Brodkaster ng Pilipinas (KBP) kahapon, February 4.
Kasama rito ng KBP ang ilang malalaking TV stations at lagpas sa tatlong daang radio stations sa buong bansa.
Para kay Kim, matapang na hinarap ng limang presidential aspirants na sina Vice President Leni Robredo, Manila Mayor Isko Moreno, Senator Manny Pacquiao, Senator Ping Lacson, at labor leader Ka Leody de Guzman ang mga katanungan kung paano nila itataguyod ang bansa sakaling sila ay palaring maging pangulo.
Hindi nakadalo si dating Senator Bongbong Marcos dahil may kasabay itong panayam kay Korina Sanchez para sa Rated Korina show nito.
Sabi ni Kim sa una niyang tweet, “These brave candidates applying for the highest position in our country. Bravely faced and answered the toughest questions.
“Applying for the Highest and most powerful position is not a joke, one must know their duties and responsibilities at stake.6 years can change for the good.”
Kasunod nito, hinikayat niya ang taong bayan na bumoto ng tama sa darating na May 9, 2022.
Aniya, “Let’s vote wisely! This is our only chance to be heard. VOTING this election is the most powerful choice that we all have as tax payers and as Filipino Citizen.
“We need leaders not in love with money but in-love with justice. Not in love with publicity but in love with humanity.”
Hanga din siya sa katapangan ni Ka Leody na humarap sa forum.
Saad niya, “As a Citizen of this country, iba ang katapangan na pinakita ni ka Leody kanina. I don’t know his background but knowing that he is there with the rest of the candidates.”