Inamin ni Vice Ganda na pinangarap niya noong makapag-guest sa GMA-7 gag show na Bubble Gang pero hindi iyon nangyari.
Ibinahagi ito ni Vice kay Ogie Alcasid sa episode ng It’s Showtime ngayong Miyerkules, February 9, 2022.
Sina Vice at Ogie ay co-hosts sa daily ABS-CBN noontime show.
Si Ogie ay isa sa original cast ng Bubble Gang, ang longest-running gag show ng Kapuso network.
Si Ogie ay lumipat sa ABS-CBN noong 2016, matapos ang labinwalong taon sa GMA-7 (1995-2013) at tatlong taon sa TV5 (2013-2016).
Sa “Showtime Sexy Babe” segment ng It's Showtime nitong Miyekules, biglang nagbiro si Vice na ang acting daw ni Ogie ay “Bubble Gang.”
Binato ng tanong si Vice kung paano ba ang “Bubble Gang acting.”
Hirit ni Vice, “Ewan ko. Di naman ako nakapag-guest doon.
“Alam mo, dati, lagi akong guest sa Idol Ko si Kap, pero diyan [Bubble Gang], di ako nakapag-guest.”
Ang Idol Ko si Kap ay ang Kapuso sitcom ni Senator Bong Revilla na umere mula 2000 hanggang 2005.
Sundot ni Vice, “Dream ko iyan dati, yung Bubble Gang.”
Sabi naman ni Ogie, marahil ay mataas ang talent fee ni Vice.
Hirit ni Vice, “Hindi. Ang taas lang ng standards niyo. Di ako pasok.”
Sinundan ito ng tawa ni Vice.
VICE STARTED IN GMA-7
Sa isang episode ng It’s Showtime noong July 2018, nasabi ni Vice na sa GMA-7 siya nagsimula.
Pagbubunyag niya, napabilang siya noon sa Kapuso afternoon series na Saang Sulok ng Langit (2005), na pinagbidahan ni Maxene Magalona.
“Iyan ang unang teleserye ko. Di ba, walang nakakaalala?" sabi ni Vice.
Sundot niyang biro, “Kahit nga GMA, di nila naaalala na galing ako doon.”