Nagbigay ng reaksiyon si Markki Stroem sa pagpapakasal ng It’s Showtime hosts na sina Vice Ganda at Ion Perez.
Pinatunayan ng couple na sa kabila ng detractors, pinili nilang panindigan ang pagmamahalan nila.
READ: Vice Ganda-Ion Perez love story: A timeline
"Awww... I’m happy for them. So proud. They should be more open for people here in the Philippines [to be] more in love," pang-eengganyo ni Markki.
Pero para sa sarili niya, hindi pa raw naiisip ni Markki na pumasok sa isang lifetime commitment sa kapwa lalaki.
"Depends," sambit niya. "Wala akong sexual interest at this point in time.
"But you can never tell. Kasi, in my opinion, a lot of people wanna put you in boxes.
"But in the end, whatever happens, happens, sa paningin ko. I don’t want to be put in a box. Just me."
Nakapanayam ng PEP.ph (Philippine Entertainment Portal) at iba pang reporters si Markki sa press preview ng BL series na Love At The End Of The World na ginanap sa Cinema ’76 sa Anonas, Quezon City, noong February 15, 2022.
"i STOPPED BELIEVING IN RELATIONSHIPS"
Last Valentine’s Day, ang ka-date ni Markki ay ang kanyang kapatid. Wala raw siyang karelasyon ngayon.
"I don’t believe in relationships. I stopped believing in relationships," may hugot na pag-amin ni Markki.
Apat na taon na raw siyang single at nakatuon ang atensiyon niya ngayon sa trabaho.
Aniya, "I don’t know. Nawala yung interest ko for love. Nag-focus muna ako sa sarili ko, sa work, sa family."
Ang sigurado si Markki ay gusto niyang magkaroon ng anak pagdating ng tamang panahon.
"Yeah, I wanna have kids. I wanna send them to my high school. Nag-I.S. ako, International School. ‘Yan ang goals ko.
"And then, kapag nakaipon na ako ng money, yun, I’ll send my kids to college or high school kung may pera na ako for that.
"Saka hindi lang ipon for my side. I mean, hindi naman mahirap ang family ko. They’re very well-to-do. Pero, I don’t want to rely on my parents kapag nagkaroon ako ng anak."
Si Markki ay self-confessed demisexual. Ibig sabihin, nagkakaroon siya ng sexual attraction sa taong mayroon siyang emotional bond.
Naisip ba niyang magkaroon ng asawang babae?
Sagot ni Markki: "Depende. I don’t know. Depende kung sino ang maano ko. I mean, at the end of the day, there’s no such thing as…
"Pero at the moment, hindi ko pa sure.
"But I want to have kids. I’m not closing doors.
"I mean, if I fall in love with someone, I fall in love with someone. Pero ngayon, wala akong belief system sa love."
NO SEX DRIVE FOR FOUR YEARS
Sa puntong ito, ipinaliwanag ni Markki na wala raw siyang sex drive—sa lalake man o babae.
Malayo raw ito sa mga mapangahas niyang roles on screen.
Paliwanag niya, "I’m very close to asexuality kasi. Wala akong sex drive.
"Katulad ng mga komedyante na nakakatawa sa screen, pero pagkatapos [seryoso sila off cam], di ba?
"Ako, sex sa screen. But as a person, hindi ako sexually driven. Hindi ako interested sa sex.
"Minsan, for example, nagkaroon ng sex, moment, or whatever, minsan ina-act ko na lang. Kasi wala akong sex drive.
"Boy, girl, wala akong sex drive… for four years," malungkot na sabi ni Markki.
ON MARVIN AGUSTIN
Umiling lang si Markki nang banggitin namin ang tungkol sa napabalitang relasyon umano nila noon ng aktor na si Marvin Agustin.
"Yeah, friends kami. Lahat tinatanong nila sa akin, mga friends ko, kung kami," aniya.
Pero paglilinaw ni Markki, naging malapit sila ni Marvin dahil mayroon silang negosyo noon.
"Business partners kami. Nagta-try kami ng business sa U.S., hindi nag-work, a restaurant—Bao Down. Pero nag-close na, e. So, hindi nag-work."
Si Marvin ay nag-aral sa International School for Culinary Arts at pumasok sa iba-ibang restaurant business.
Nag-aral naman si Markki ng Hotel and Restaurant Management noong siya ay nasa kolehiyo.
"Kasi I'm an HRM kid. Nag-aral ako sa Switzerland.
"So, yeah, nag-work together kami for a while. Pero hindi nag-work ang business," sabay kibit-balikat ni Markki.
Are they still friends?
"Yeah," tila may pag-aalinlangang tugon ni Markki.
"Depende," bawi niya. "I mean, nagmi-message pa rin yung mom niya. Friends kami talaga."