Ipinagmalaki ni dating Pinoy Big Brother All In housemate Fifth Solomon na mayroon na siyang kasintahan.
Ngayong Maundy Thursday, April 14, 2022, ipinost ni Fifth sa kanyang Instagram ang litrato nila ng kanyang "jowa" na ang username sa Instagram ay Sacarie.
Nakalagay sa bio ni Sacarie na isa siyang gamer at freelance model.
Magka-holding hands sina Fifth at Sacarie sa viewing deck sa Chocolate Hills sa Carmen, Bohol.
"Ganito pala feeling ng may jowa," kilig na caption ni Fifth.
Dagdag niya, "makakagamit na din ako ng quotes tulad ng 'I wish I knew you before I knew you.'
Ginamit din niya ang hashtag na "#JowaReveal."
Marami sa mga kaibigang artista ni Fifth ang masaya para sa kanyang love life.
Kabilang sina Maris Racal, Barbie Imperial, Rufa Mae Quinto, Candy Pangilinan, Loisa Andalio, Joj Agpangan, Alora Sasam, at Pamu Pamorada sa mga bumati kay Fifth.
Batchmates ni Fifth sa PBB All In sina Maris at Loisa