Sa unang pagkakataon, ibinahagi ni Sam Milby ang karamdaman ng American father niyang si Lloyd William bago ito pumanaw noong November 2021.
Si Lloyd, na pumanaw sa edad na 87, ay may Alzheimer's disease.
READ: Catriona Gray shares footage of emotional Sam Milby weeks before his dad's passing
Sa mediacon ng A Family Affair noong June 8, 2022, ikinuwento ni Sam na nagkaroon siya ng pagkakataong makapiling ang ama na nakatira sa Ohio kasama ng kanyang ina na si Elsie Lacia.
Nagbakasyon si Sam doon matapos umere noong March 2021 ang Ang Sa Iyo Ay Akin—ang Kapamilya prime-time series tampok sina Jodi Sta. Maria, Iza Calzado, at Sam.
Lahad ng 38-year-old Kapamilya actor: "Nung time na yun, my dad, he was diagnosed with dementia. We later found out it's Alzheimer's.
"And 16 years na nandito ako sa Pilipinas, yung mga times na umuuwi ako sa Ohio, medyo short trips.
"So, nag-stay ako sa Ohio ng three months. Siyempre, I don't know how many days left ang meron para sa tatay ko and to be able to spend time with family."
Hanggang sa bumalik si Sam sa Pilipinas.
October 2021 nang magtungo ng Africa si Sam kasama ang nobyang si Miss Universe 2018 Catriona Gray.
Noong panahong iyon natanggap ni Sam ang balitang may emergency kaugnay ng kalusugan ng kanyang ama.
"Ang daming nangyari. Kami ni Cat, we were working in Africa, we did a couple of shows, tapos meron din siyang work.
"Tapos may nangyari sa tatay ko so umuwi ako kaagad. I lost my dad last November," balik-tanaw ni Sam.
SAM STILL GRIEVING OVER FATHER'S DEATH
Inamin ni Sam na hanggang ngayon ay nasa proseso pa rin siya ng pagluluksa.
"It's been a lot to take in. Siya yung first na ka-close na namatay sa family ko.
"I guess, in terms of growth, it's hard because I'm still in the process.
"Kahit nandun ako nung namatay siya, I witnessed everything, I was there. I don't know... I feel like I'm still in denial sa nangyari," pagtatapat ni Sam.
Kaya hindi pa raw niya masabi kung paano siya pinagtibay sa kabila ng pagkawala ng ama.
Aniya, "I'm still kind of going through all of that at the moment. And, obviously, lahat ng nangyayari sa buhay, you use all these experiences to help you."
SEEING HOW HIS DAD LOST HIS MEMORY
Pero malinaw kay Sam na sadyang mahalaga ang magkaroon ng oras para sa pamilya.
"I guess, itong last year, things have just... I've realized that life is really short.
"I wish na dati I spent more time with my parents para I could have had more time," pakli ni Sam.
Lahad pa niya, nasaksihan niya ang panahong hindi na siya maalala ng ama dahil sa karamdaman nito.
"Kasi medyo mahirap nung may Alzheimer's na siya, when I go to visit, he will act like he knows me.
"My mom will ask, 'You know who he is right? He's, like, 'Yeah, yeah, yeah.' But kita mo sa mata niya na hindi, e. I could tell na di niya ako kilala."
Diin ni Sam sa aral na natutunan niya, "I think it's just realizations of spending time with the loved ones. Yeah, life is short."
SAM AS "A MAN OF FAITH"
Sa gitna ng pagluluksa ni Sam sa pagpanaw ng ama, isang bagay na pinanghahawakan niya ay ang kanyang pananampalataya sa Diyos.
Natanong si Sam na may mga malapit siyang kaibigan sa showbiz na nagsasabing positive influence siya sa panahong dumadanas ang mga ito ng problema.
READ: Moira dela Torre admits Sam Milby let her live in his condo when she was a showbiz newbie
"I'm glad if I have that influence in these people. Obviously, lahat tayo, we're not perfect, but my true purpose is as a Christian is to expand His kingdom.
"I'm a man of faith, and I definitely want to lead people to Jesus and to that faith. If I can influence just one person, obviously, that's a win for His kingdom," ani Sam.
Malaking tulong daw ang pagkakaroon ng mga taong matatakbuhan sa oras ng pangangailangan.
"Definitely, the one thing I try to do when it comes to big decision is pray about it first, seek wisdom from Godly people.
"Because you know you always need that advice when it comes to big decisions."