Nakampante agad si Elijah Canlas sa pakikipagtrabaho kay Aga Muhlach sa TV5 movie-serye na Suntok sa Buwan, kung saan mag-ama ang papel nila.
“From the start, Kuya Aga was already the kindest,” lahad ni Elijah sa eksklusibong panayam ng Philippine Entertainment Portal (PEP.ph) nitong Hunyo 20, 2022, Miyerkules, via Messenger.
“Naalala ko nung first day of shoot namin, he texted me, ‘Magandang Umaga, nak! Happy 1st day! Enjoy ka lang! Kayang-kaya mo 'yan! Kitakits mamaya.’
“I never felt like an outcast beside him. His small gestures and mga kuwentuhan namin. He makes you feel light and comfortable.
“And at the same time, nakaka-inspire na galingan sa mga eksena. Kahit intense pa, laging magaan kapag kasama si Kuya Aga.
“And he’s always generous pagdating sa mga advice at wisdom na meron siya. I will always be grateful for that.”
Boksingero ang karakter ni Elijah, at marami silang eksena ni Aga bilang mag-ama.
“Iba-iba! Merong mga iyakan. Merong mga tawanan at light lang,” salaysay ni Elijah.
“Siyempre, mas marami akong natututuhan kay Kuya Aga but nakakatuwa that he’s also open to learning until now.
“This is actually the first movie-serye na ginawa niya sa legendary career niya kaya marami pa ring bago for him.
“Mahirap pumili ng paborito kong eksena sa series, but siguro for now I’ll go with the boxing scenes. The scenes where he’s training me how to be a better boxer.
“And I remember yung mga big boxing scenes ko. Kahit wala siya sa ibang eksena, he stayed on set para turuan ako at mag-suggest pa ng mga mas magandang moves.”
Grabe ang training ni Elijah para sa papel na boksingero.
“Nakaka-excite! Ang ganda! Ang ganda po ng pinaggagawa namin sa Suntok sa Buwan. Nakaka-excite na mapanood ng mga tao.
“Para siyang pelikula, pero teleserye,” sabi ng multi-awarded young actor.
Bago sila umakyat ng Baguio City para sa taping ng Suntok sa Buwan ay nag-look test sila ni Aga, at nag-dinner kapagkuwan.
“Simple lang but it was a good way to get to know the great people I was about to work with,” saad ni Elijah.
“And nag-invite pa si Kuya Aga sa house niya so we could train boxing together under his coach.
“And then we had lunch with Ate Charlene [Gonzalez, Aga's wife]. And every time we’d have rest days, we’d eat and work out together.”
Ipapalabas ang Suntok Sa Buwan umpisa Hulyo 18 sa TV5. Nasa cast din nito sina Maris Racal, Paulo Angeles, at Awra.
Maris Racal, Elijah Canlas, Paulo Angeles, and Awra Briguela
GENUINE FRIENDSHIP WITH BLUE ROOM CAST
Bida sina Elijah Canlas, Juan Karlos Labajo, Harvey Bautista, Nourijune Hooshman,d at Keoni Jin sa pelikulang Blue Room, na isa sa labintatlong finalists ng Cinemalaya 2022 filmfest sa Agosto 5-14.
“Hindi ko actually in-expect that all of us in the Blue Room cast will gonna have such a solid bond,” sabi ni Elijah.
“December pa namin shinoot yung Blue Room but until now, we hang out with each other. We call each other from time to time.
“And we genuinely have fun with each other. It’s actually nice to say that we formed genuine friendships.”
Ang Blue Room ay idinirek ni Ma-An Asuncion Dagñalan, na katuwang ni Siege Ledesma sa pagbuo ng screenplay.
May isa pang natapos na pelikula si Elijah, ang horror thriller na LiveScream sa direksiyon ni Perci Intalan. Mapangahas ang papel dito ni Elijah.
Wala pang target streaming date sa Vivamax ang LiveScream. Nasa post production pa ito, na literal na madugo.
GAMEBOYS STREAMING
Available na for streaming sa KTX at Vivamax Plus ang walong episodes ng Season 2 ng Pinoy BL series na Gameboys.
Nag-screening ang Gameboys The Movie noong Hunyo 19, Linggo ng gabi, sa FDCP Cinematheque Manila sa Kalaw St., Manila.
“Ang saya ng audience, natuwa rin si Chair Liza Diño kaya nag-agree kami na may libreng screening ng movie sa Gateway sa June 25 as part of the Pride month celebration ng FDCP,” pagbabalita ni Direk Perci.
Kung magkakaroon man ng Season 3 ang Gameboys ay matatagalan pa iyon, dahil marami na ring ibang proyektong pinagkakaabalahan ang ka-tandem ni Elijah sa Gameboys na si Kokoy de Santos.
Malapit nang tumulak si Kokoy pa-South Korea para sa two-month taping doon ng Running Man Philippines.
Usap-usapan na inililihim ni Kokoy ang girlfriend niyang sexy actress. Si Elijah, umamin na sa relasyon nila ni Miles Ocampo.
Read: Elijah Canlas, Miles Ocampo admit relationship
Marami ang natuwa para kina Miles at Elijah, pero hindi maiaalis na nanlumo o nalungkot ang ibang EliKoy/CaiReel fans.
“Hindi naman po ako magugulat kung merong hindi masaya para sa amin ni Miles,” sabi ni Elijah.
“Pero I think, you know, the people who really love and support me and Kokoy in everything we do are just gonna be happy for the fact the we’re happy.
“Kasi, masaya po kami pareho. Masaya ako.”