Multiple organ failure ang ikinamatay ng comedian at direktor na si Phillip Lazaro kahapon, July 11, 2022.
Read: Comedian-director Phillip Lazaro dies; celebrities-co-workers mourn his passing
Ngayong Martes ng umaga, July 12, nagpadala ang pamangkin ni Phillip na si Therese Alinell sa Philippine Entertainment Portal (PEP.ph) ng opisyal na pahayag ng kanilang pamilya tungkol sa pagpanaw ng 52-year-old comedian.
Nakasaad din dito ang detalye ng burol at libing ng mga labi ni Phillip:
“Our family wishes to thank everyone for extending their condolences for the passing of our uncle, Felicisimo 'Phillip' Saavedra Lazaro.
“We also appreciate those who have provided us privacy during the initial hours of his passing.
"For those who wish to pay their last respects, his remains will lie in state at Chapel 103, St. Peter's Chapel, La Loma, Caloocan City starting today, July 12, 2022.
“Funeral rites will be on Sunday, July 17, 2022. Mass will start by 10AM at Sacred Heart of Jesus Parish, Morning Breeze Subdivision, Caloocan City.
“Interment to follow at the Lazaro family plot, Eternal Gardens Memorial Park, Baesa, Caloocan City.
“We request that we continue to pray for the soul of our dear uncle.”
Mapagmahal pero mahigpit na tiyo ang pagsasalarawan ni Therese kay Phillip.
Pagbabahagi ni Therese, “He’s the spoiler. Always excited for holidays. He loves us so much.
"Every after ng lock-in tapings niya, may nakaabang agad na vacation. He's a spoiler and also strict at the same time.
“I remember in one of our trips in Puerto Galera, sabi niya, ang hirap daw kapag kasama kami kasi hindi siya makapag-enjoy. Bantay siya nang bantay which is true even if we’re all adults, he still treats us like a child.”
Huling napanood si Phillip sa Prima Donnas at nagtrabaho bilang second unit director ng Widows's Web, na parehong mga nagwakas na programa ng GMA-7.
Ipinagluluksa rin ng mga veteran actress na sina Gina Alajar at Chanda Romero ang pagkawala ni Phillip, na isang mabuti na kaibigan sa kanila.
Mensahe ni Gina: “I love you Phi…alam mo ‘yan. I lost another good friend in you. Wala nang mang-iinggit sa akin at wala na akong iinggitin.
"Salamat sa iyong pagmamahal na damang-dama ko kahit sandali pa lang tayo nagkasama. Rest in peace my dear friend.”
Bago namatay si Phillip, nagbigay-pugay na sa kanya si Chanda noong May 24 dahil kinilala niya ang husay ng komedyante sa pagbibigay ng kanyang mga maaanghang at matataray na linya bilang Lady Prima sa Prima Donnas.
“Puwede ko nang i-reveal, ngayong tapos na ang Prima Donnas. Sa taping ng Prima Donnas, bilang Lady Prima, lagi kaming naghahanap ng mga adlib na bagay sa tapang at taray ng karakter ko.
“Ang source nito? Si Direk Phillip Lazaro!!! Siya ang mas scathing, mas catty, mas cutting at mas classy.
“Ang totoo: siya talaga ang Lady Prima. Double lang ako. Labyu, Direk,” kuwento ni Chanda tungkol kay Phillip nang magkasama sila sa Prima Donnas.