Tila muling nagpatutsada si Zeinab Harake sa kanyang ex-partner na si Skusta Clee.
Si Zeinab ay kilalang YouTuber na may 12.8 million subscribers.
Si Skusta, 26, ay rapper-songwriter at miyembro ng grupong Ex Battalion.
Usap-usapan ngayon sa social media ang tweet ni Zeinab noong Martes, July 12, 2022.
Wala mang pangalang nabanggit sa tweet ay tila sigurado ang netizens na ang tinutukoy ni Zeinab ay walang iba kundi si Skusta.
Sunod-sunod na tanong at patama ang laman ng tweet ni Zeinab.
Tweet niya (published as is): "Ngayon may anak ka? mangaaway ka ng mga tao? bakit? kasi maglalabas ka na naman ng kanta?
"La na talaga pera? gusto mo na lang gulo para umingay?
"Tama kana wala ka ng magagamit pagod na lahat sayo!"
Sa hiwalay na tweet, ni-retweet ni Zeinab ang post ng isang netizen ng larawan ni Zeinab kasama ang anak na si Bia.
Sa caption, tila may patama rin dito si Zeinab kay Skusta, na ama ng kanyang anak.
Sabi niya: "Itong anak ko di magiging mommy's girl to kung di ko siya napapasaya araw-araw, masaya na kaming dalawa lang at least totoo yung pagmamahal namin sa isa't isa."
Bago ang tweet na ito ni Zeinab, usap-usapan na rin ang pag-reply ni Skusta sa isang tweet ng kaibigan ni Zeinab na si Jahan Visperas.
Tweet ni Jahan (published as is): "Wag niyo na idamay yung tao sa kahit ano mang post, eh ano kung nag post ng yellow heart, di na namin problema kung baliw na yan. Kasiyahan at kapayapaan ng mag ina yung pinoprotektahan namin."
Buwelta ni Skusta (published as is): "Dami mong kabaklaan nanaman ikaw ba tatay? Palibhasa wala kang tunay na anak kaya di mo nararamdaman yung nararamdaman ko. Laki laki mong tao ingay ingay mo."
Ngunit agad din itong binura ni Skusta makalipas ng ilang minuto.
Dahil dito, mas nagliwanag ang espekulasyon ng netizens na para nga sa rapper-songwriter ang tweet ni Zeinab.
Noong early May 2022, inamin ni Zeinab na naghiwalay sila ni Skusta nang matuklasan niyang may iba itong babae.
Buntis siya noon sa ikalawang anak sana nila ni Skusta na si Baby Moon, pero sa huli ay nakunan siya.
Sa ngayon ay burado na rin ang nasabing cryptic tweet ni Zeinab.
Related Stories:
- Skusta Clee posts "Kung kailan ka nawala saka ako pinagpala"; Zeinab's friends react
- Zeinab Harake: "Kahit pangit ngayon ay nagloloko."
- Did Zeinab Harake confront a TikToker in a bar because of ex-partner Skusta Clee?
- Zeinab Harake unfollows partner Skusta Clee on IG; tweets, "Help me out of this hell."
- Zeinab Harake on final straw that led to breakup with Skusta Clee: "Doon ko nahuli sa laptop."
- Zeinab Harake suffers miscarriage; mourns passing of Baby Moon