Nagsalita na ang baguhang aktres na si Alexa Miro tungkol sa tunay na estado ng relasyon niya kay Ilocos Norte First District Representative Sandro Marcos.
Kontrobersiyal si Alexa mula nang lumabas ang isyung siya diumano ang girlfriend ng ni Sandro.
Pero sa recent interview, sinabi ni Alexa na “sobrang close” lamang sila ng presidential son matapos matanong sa totoong estado ng kanilang relasyon.
“Super close po namin. We’ve been friends for a really, really long time, and we’re just really close,” pahayag niya sa interview ni ABS-CBN entertainment reporter MJ Felipe.
Na-interview si Alexa sa pictorial ng Laugh Out Loud, kung saan siya ay co-host, ngayong July 13, 2021.
May pahayag din si Alexa kung "may say" ba si Sandro sa kanyang venture sa showbiz.
"As a friend?" natatawang joke ni Alexa. "Hindi naman..."
“He also shares some tips with how I should go about my career pathing,” sagot ng dalaga sa separate interview ni TV5 entertainment reporter MJ Marfori sa parehong pictorial.
Sundot ni Alexa, "Parang nagbibigay lang din siya ng advice na, ‘Should you go down this path? Maybe you should limit this. Or maybe you can excel more in this area.’”
ALEXA OVERWHELMED BY BASHING
Nagsalita rin si Alexa tungkol sa karanasan niya matapos maging kontrobersiyal nang pag-usapan sa media ang ugnayan nila ni Sandro.
Inamin ni Alexa na nagulat siya sa pamba-bash na kanyang natanggap dahil first time niya raw itong maranasan.
“It was unsettling for me in the beginning, kasi I’m not used to bashers. That’s very, very new to me,” paliwanag niya.
Aminado si Alexa na apektado siya noong una.
“May mga bashers—as much as there are a lot of supporters—there’s also a couple of bashers…
“And admittedly, it affected me for a little while, kasi first time ko siyang na-experience, so iniyak ko siya.
“But then, I just breathed and I let it all out because, at the end of the day, what matters is you know who you are and the people that know you,” saad ni Alexa.
ALEXA-SANDRO relationship
Matagal nang usap-usapan sa showbiz ang tungkol sa sinasabing relasyon nina Alexa at Sandro.
Tila nakumpirma ngang may namamagitan sa dalawa nang aksidenteng maulinigan sa Facebook Live ni Senator Bong Revilla ang pag-uusap ng kanyang asawang si Lani Mercado at ni Sandro sa inauguration ni Vice President Sara Duterte sa Davao City noong June 19, 2022.
Sa FB Live ni Bong ay narinig ang pagtatanong ni Lani tungkol sa “girlfriend” ni Sandro na taga-Bacoor, Cavite, kung saan dating mayor ang actress-politician.
Affirmative ang sagot ni Sandro, pero nagpasintabi siya kay Lani na "atin-atin lang 'yan, ha."
Ibig sabihin, ayaw pang isapubliko ng binata kung anuman ang namamagitan sa kanila ni Alexa.
Related article: Lani Mercado accidentally reveals Sandro Marcos's secret relationship; is it Alexa Miro?
Sa hiwalay na ulat ni Gorgy Rula noong June 19 sa Pilipino Star Ngayon, sinabi nitong kinumpirma ng kampo ni Alexa na boyfriend ng aktres si Sandro.
Mas tumindi ang isyung may namamagitan nga sa dalawa nang dumalo si Alexa sa inauguration ni Sandro at ng iba pang pulitiko sa sa Malacañang noong June 30, 2022.
Related article: Alexa Miro, spotted sa oath taking ng rumored boyfriend na si Sandro Marcos sa Malacañang