Milestone para kay Bea Alonzo ang pagdalo niya sa GMA Thanksgiving Gala night nitong Sabado ng gabi, July 30, 2022.
Bukod sa ito ang unang Kapuso gala night na dinaluhan ni Bea, ito rin ang una niyang red-carpet moment kasama ang boyfriend na si Dominic Roque.
Si Bea ay lumipat sa GMA Network noong July 2021. Sa ABS-CBN nagsimula ang kanyang showbiz career at naging contract star ng network from 19 years.
Highly identified din as Kapamilya artist ang boyfriend niyang si Dominic.
Sabi ni Bea sa pagdalo sa #GMAGalaNight, “I’m very excited to see everyone here.
“It’s my first time to be mingling with all the Kapuso here, of course, and the bosses.
“So, I’m very much excited,” panayam niya sa Facebook Live ng GMA News.
Inusisa ang dramatic actress kung bakit memorable ang red carpet sa kanya.
“Being with him is already a plus, right?” simula ni Bea, pagtukoy sa boyfriend na si Dominic.
“And also, I just realized it’s my first time to be walking down the red carpet with Dom, my boyfriend.
“It is [memorable]. It’s a milestone for the both of us, so to speak.”
Nabanggit din sa red carpet interview na may ginagawa ring proyekto si Bea sa ibang bansa.
Bukod pa rito, magsasama sila ni Alden Richards para sa isang TV series, ang Filipino adaptation ng Koreanovela na Start-Up.
“Not complaining though. Very grateful,” sabi naman ni Bea kaugnay ng pagiging abala niya sa mga proyekto.