Isang Philippine Eagle ang natagpuang patay sa Sarangani Province noong September 19, 2022, dakong 9:30 a.m.
Dinala ito sa Philippine Eagle Center sa Davao City para makapagsagawa ng necropsy at matukoy ang dahilan ng pagkamatay nito.
Tinatayang apat o limang oras nang patay ang agila nung natagpuan ito ng isang government employee sa Purok Maguid, Barangay Daliao sa Maasim town.
Ayon sa post ng Department of Environment and Natural Resources (DENR) Soccsksargen, “No tag or chips were noticed in the raptor upon the inspection. It weighed 5.6 kilograms, has a 102 centimeter length and 188 cm wingspan."
Natagpuan ang patay na Philippine Eagle bandang 9:30 a.m. nitong Lunes, September 19, 2022.
Read:
- Ex-Japanese Prime Minister Shinzo Abe, may inampong Philippine eagle noong 2017
- Nasilayan sa wakas si Pamarayeg lll, ang 5-month-old Philippine eagle
TRIVIA ABOUT THE PHILIPPINE EAGLE
Ang Philippine Eagle, na tinatawag ding monkey-eating eagle, ay itinuturing na critically-endangered species.
Isa ito sa largest eagles in the world.
Sa isang 2021 report, tinatayang mayroon na lamang 400 natitirang nesting pairs ng Philippine Eagle sa mga kagubatan.
Samantala, sa report ni Kuya Kim Atienza sa 24 Oras noong April 2022, ibinahagi niyang monkey-eating eagle ang unang tawag dahil inakala ng mga katutubo noon na unggoy lamang ang kinakain nito.
Pero noong 1960s, nadiskubreng pure carnivore ang Philippine Eagle at ang kinakain nito ay maliliit na mammals at reptiles.
Unang nadiskubre ang Philippine Eagle sa Paranas, Samar noong 1896 ng British explorer at naturalist na si John Whitehead.
Noong 1995, idineklara itong national bird of the Philippines.
Noong nakaraang taon, ang Philippine Eagle ang inilagay na larawan sa bagong PHP1,000 polymer bill.
Ang sinumang mapatunayang nanghuhuli at pumapatay ng critically endangered species na ito ay maaaring makulong ng hanggang 12 years.