Kinaiinisan ng mga manonood ang karakter ni Juancho Triviño sa trending period teleserye ng GMA-7 na Maria Clara at Ibarra.
Read: Maria Clara at Ibarra, dapat panoorin ng millennials
Dito ay ginagampanan ni Juancho ang role bilang Padre Salvi, isang pari o prayle noong panahon ng Kastila.
Si Padre Salvi ang kura-paroko sa bayan ng San Diego na mayroong lihim na pagtingin kay Maria Clara (Julie Anne San Jose).
Ang Maria Clara at Ibarra ay hango sa nobela ni Dr. Jose Rizal na Noli Me Tangere.
Read: How Juancho Trivino changed hairstyle for role in Maria Clara at Ibarra
Sa Instagram ngayong Huwebes, October 20, 2022, ibinahagi ni Juancho ang isang clip mula sa TikTok ng isang netizen na galit na galit sa kanyang karakter.
Naka-split screen ito at kita ang reaction ni Juancho na nagugulat kapag sinasabihan siyang "panot" ng netizen.
Kalbo kasi ang mga tuktok ng ulo ng mga sinaunang pari.
Sabi ng netizen, "Ako pikon na pikon na ko sa 'yo, ah. Panot! Panot! Isa kang panot! Mukha kang itlog na puyat. Panot!"
Caption ni Juancho sa kanyang post, "Reaction to weekly fan mail. #FeelingBlessed #PadreSalvi @gmanetwork @gmadrama”
View this post on Instagram
Laughing emojis naman ang komento rito ng mga kapwa niya Kapuso na sina Dianne Medina, Dion Ignacio, at Yasmien Kurdi.
Tawang-tawa rin ang iba pang nagkomento sa kanyang post, kabilang na ang aktor na si Kiel Rodriguez.
Trending topic araw-araw ang Maria Clara at Ibarra sa Twitter.
Halos lahat ng komentong mababasa sa social media ay papuri sa show.
Dapat daw itong panoorin, lalo na ng mga kabataang hindi gaanong maalam sa ating kasaysayan.
Lagi ring wagi sa ratings ang Maria Clara at Ibarra.
Read: Maria Clarra at Ibarra, wagi sa TV ratings; trending din sa Twitter
Mapapanood ang Maria Clara at Ibarra pagkatapos ng 24 Oras sa GMA-7.
Ito ay pinagbibidahan nina Dennis Trillo, Julie Anne San Jose, at Barbie Forteza.