Nagluluksa ang Philippine entertainment industry dahil sa pagpanaw ng veteran singer/songwriter at APO Hiking Society member na si Danny Javier ngayong Lunes ng hapon, October 31, 2022.
Binawian ng buhay si Danny sa edad na 75 dahil sa isang matagal nang karamdaman.
Kinumpirma ito ng kanyang anak na si Justine Javier Long sa pamamagitan ng isang Facebook post.
Si Justine ang isa sa apat na anak na naulila ni Danny.
“It is with great sadness that my siblings and I wish to announce the passing of our father, Daniel 'Danny' Morales Javier on October 31, 2022 at the age of 75 from complications due to his prolonged illness.
“In life, as in his death, our Pop never stopped fighting for what he loved, what he believed in and what he was passionate about. He left this world with his passion and his strength of will intact and we know he would not have it any other way.
“At this time, we would like everyone to respect our family’s privacy as we arrange the necessary details with regards to the memorial and funeral details to come. Our family would like to thank everyone for the outpouring of love, prayers and condolences at this difficult time.
“Maraming salamat po. Ramdam na ramdam namin ang pagmamahal ninyong lahat para sa kanya.
“Sa lungkot at ligaya, hirap at ginhawa, kami’y kasama mo,” ang dulo ng mensahe ng anak ni Danny na mula sa isang linya ng "Awit ng Barkada," isa sa mga hit song ng APO noong 1988.
Ramdam naman ang lubos na pagdadalamhati ng APO member na si Boboy Garovillo sa kanyang Facebook post tungkol sa pagpanaw ni Danny na isinalarawan niya bilang isang matapat na kaibigan.
Mensahe niya: “Just feeling the lost of an old faithful friend who knew what love is although sometimes it doesn’t show. My friend lives on in his music."
Kinumpirma ni Boboy sa digital media conference ng Kapuso drama series na Unica Hija noong October 24, 2022 ang pagkakaroon ni Danny ng karamdaman.
Read: Boboy Garrovillo, kinumpirmang may karamdaman si Danny Javier
Nabanggit ang pangalan ni Danny sa naganap na press conference dahil tinanong si Boboy tungkol sa posibilidad na reunion ng APO, ang grupo nila nina Danny at Jim Paredes na kanilang kusang-loob na binuwag noong December 2009.
Nagsalita nang tapos si Boboy na hindi na mabubuo ang APO dahil may sakit si Danny.
Sabi ni Boboy, “Danny is not well. He’s medyo may kahinaan, may karamdaman, so he is recovering.
"Yung reunion, mukhang malabo iyon because hindi na possible."
Kahit nabuwag na ang APO, nananatili na magkakaibigan sina Danny, Jim, at Boboy.
Sa isang panayam kay Danny noong September 2008, sinabi niya, “It’s the friendship that keeps us together. Not the money nor anything. Take away everything else and we would still be friends.”