Magkasamang dumalo ang rumored couple na sina John Lloyd Cruz, 39, at Isabel Santos, 31, sa 15th Asia Pacific Screen Awards (APSA).
Read: Isabel Santos: Carving her own path in art
Nominado si John Lloyd sa nasabing award-giving body sa kategoryang Best Performance para sa kanyang pagganap sa pelikulang When The Waves Are Gone ni Lav Diaz.
Ang local title nito ay Kapag Wala Na Ang Mga Alon.
Ginanap ang awards night noong November 11, 2022 sa Home of the Arts sa Gold Coast, Australia.
Kagabi, November 17, ibinahagi ni Isabel ang tatlong larawan sa kanyang Instagram feed kung saan makikita sa isang picture na magka-holding hands silang dalawa.
Face with hand over mouth emoji lamang ang caption niya rito.
View this post on Instagram
Bago pa nito, magkasamang nagbakasyon sa Italy sina Isabel at John Lloyd noong unang bahagi ng Oktubre.
Hinala ng netizens ay naging Instagram official na sila dahil sa sweet photos nila na ibinabahagi rin ni Isabel.
Mula noong September 2021, usap-usapan ng netizens ang napansin nilang ugnayan nina John Lloyd at Isabel.
Hindi nakaligtas sa netizens ang ilang pagkakataong nag-post si Isabel ng mga litrato ni John Lloyd.
Kasama rin ni John Lloyd si Isabel nang mag-Christmas party ang kinabibilangang talent management ng aktor, ang Crown Artist Management, noong December 2021.
Minsan na ring nag-post si Isabel ng litrato nina John Lloyd at Elias na namamasyal sa tabing-dagat.
Si Elias ang anak ni John Lloyd sa dating kasintahang si Ellen Adarna.
At nitong nakaraang June 24, 2022, sa kaarawan ni John Lloyd, unang pagkakataong nasilayan ang sweet moments sa pagitan ng rumored couple.
Hanggang sa kasalukuyan ay tikom ang bibig ni John Lloyd hinggil sa hinihinalang relasyon nila ni Isabel.