Tila ikinagulat ni Sharon Cuneta ang pagtawag sa kanya ni Mavy Legaspi ng “ms.” sa Instagram.
Ngyong hapon ng Miyerkules, November 23, 2022, proud na proud ang singer-actress na ibinahagi sa kanyang account ang unang magazine cover ng anak na si Miel Pangilinan.
Caption niya, “So proud of you on having your first magazine cover SOLO, Yellie! I love you more than life itself. [three hearts emojis]”
Ni-repost din ni Sharon ang mensahe ng anak sa Instagram nito.
Nakasaad sa post ni Miel, “baby’s first magazine cover shoot [fingers crossed emoji]
“thank you nylon for this wonderful opportunity.
“i’m genuinely so thankful that you’ve given me this platform to share myself with the rest of the world [heart emoji] my younger self could have only dreamed of something like this happening.
“i still cant believe this is real life LMAO congrats to @mavylegaspi and @kramer.kendra as well!!!! and happy happy birthday @nylonmanila”
Bukod kay Miel, tampok din sa naturang magazine ang mga kapwa niya anak ng artista na sina Mavy Legaspi at Kendra Kramer.
View this post on Instagram
Maraming congratulatory messages ang ilang celebs at netizens sa post na ito ni Sharon.
Isa sa kanila ay si Mavy, na naka-tag sa post ni Miel, na nagpasalamat kay Sharon sa post nito.
Ani Mavy, “thank you so much po, ms. @reallysharoncuneta! [classic smiley emoji] wooohooo congrats @mielpangilinan!”
Tugon ni Sharon, bakit “Ms.” ang tawag ni Mavy sa kanya gayong kapatid daw ang turing niya sa ina nitong si Carmina Villarroel.
At magkapareho raw sila ng kaarawan, January 6.
Ani Sharon, “@mavylegaspi Anong ‘Ms.?!!!’ Your Mama is my sister too!
"Ask her!? [face with two hearts emoji} And you and Cassie and I have the same birthday anak! [three hearts emojis]
"Thanks so much Mavy! Tell Mama I love her and miss her please! @mina_villarroel”
Hindi pa sumasagot si Mavy sa kanyang “Tita” Sharon.