May bago na bang boyfriend ang aktres na si Arci Muñoz?
Sa kanyang Instagram ngayong Biyernes, December 9, 2022, nagbahagi si Arci ng mga larawan kasama ang mag-asawan sina Manny Pacquiao at asawang si Jinkee Pacquaio.
Kuha ito sa intimate dinner ng Pambansang Kamao at ng kanyang pamilya kasama ang Korean actor na si Ji Chang-wook sa South Korea noong December 7, 2022.
Sa mga larawang ibinahagi ni Arci, makikitang kasama niya sina Manny, Jinkee, Chang-wook, at ang napapabalitang boyfriend ng aktres na si Seth Jamora.
Si Seth ay anak ni Lhing Jamora, kapatid na babae ni Jinkee at kambal nitong si Janet Jumalon.
Caption ng aktres: “THE MANNY SHOT! great night with awesome people. [smiling emoji]”
View this post on Instagram
Bago pa ito, si Seth ay matagal nang nagpu-post ng sweet photos nila ni Arci.
Noong nakaraang October 10, 2022, nagbahagi siya ng larawan nila kung saan nakaakbay siya sa aktres.
Tanging caption ni Seth ay tag lamang sa account ni Arci at black heart emoji.
View this post on Instagram
Noong November 7, kasama naman niya si Arci na namamasyal sa South Korea.
Sabi ni Seth sa caption: "What's on my bucket list? Everywhere with you. @ramonathornes [black heart emoji]"
View this post on Instagram
At ngayong hapon ng December 9, tila makahulugan ang post ni Seth.
Nag-post siya ng apat na larawan nila ni Arci na kuha pa rin sa Seoul, South Korea. Makikitang nakahawak ang aktres sa braso ni Seth habang naglalakad.
Aniya sa caption, “They say Disney World is the “Happiest place on Earth”. Obviously they’ve never been in your arms. @ramonathornes [black heart emoji]”
View this post on Instagram
Sa post naman ng ina ni Seth na si Lhing, tila kabahagi na si Arci ng kanilang pamilya dahil kasama na ito sa kanilang family photos.
View this post on Instagram
Ang huling napabalitang boyfriend ni Arci ay ang negosyanteng si Anthony Ng.
Read: Arci Munoz cries after she was asked about breakup with businessman-boyfriend