Bumisita ang mga kasamahang singers ni Jovit Baldivino sa huling gabi ng burol para sa pumanaw na singer.
Dumayo pa ang mga ito sa bahay ni Jovit sa Rosario, Batangas, Martes ng gabi, December 13, 2022.
Ilan sa nagbigay ng kanilang huling respeto kay Jovit ay sina Angeline Quinto, Bugoy Drilon, at Qeency Villanueva ng Daughters 5.
- Singer Jovit Baldivino dies at 29
- Jovit Baldivino’s family confirms singer was in coma five days before his death
Nakilamay rin ang singers na sina Klarisse de Guzman at Liezel Garcia.
Naroon din ang nakasabayan ni Jovit sa Pilipinas Got Talent Season 1 (2010) na sina Alakim (Allan de Paz), Ruther Urquia, at Velasco Brothers.
Ang Pilipinas Got Talent Season 2 winner na si Marcelito Pomoy ay nauna nang dumalaw.
Read: Marcelito Pomoy deeply mourns the loss of "parekoy" Jovit Baldivino
Ngayong Miyerkules, December 14, 2022, eksklusibong nakapanayam ng PEP.ph (Philippine Entertainment Portal) ang manager ni Jovit na si Jerry Telan. Nasa daan si Jerry patungong sementeryo nang mga oras na iyon.
Saksi si Jerry at kasamahan na Elena dela Vega sa dami ng mga nakilamay sa huling gabi ng burol na ginanap sa tahanan ni Jovit sa Batangas.
May sampung local bands daw sa Batangas ang nag-perform bilang tribute sa pumanaw na singer.
Ilan sa mga sikat na kanta ni Jovit ang pinerform din ng mga banda kaya nagmistulang may pa-concert.
Mahigit sa libo raw ang tantiya nilang pumunta roon.
Ayon kay Jerry, “Mula kagabi, sobrang daming tao. Yung pila, umabot na hanggang sa Health Center.
"Ngayon din, sa homily ni Father, sinabi niya na yung buhay ni Jovit, naging isang magandang inspirasyon talaga sa lahat, lalo na sa mga taga-Batangas."
Dugtong ni Elena, "Nakakatuwa yung nangyari. Yung mga tao, may mga umiiyak. Hindi nauubos ang tao nung last night.
"Yung parents niya, okay naman, kalmado naman. Gayundin ang partner niya."
- Joey de Leon, Toni Gonzaga weigh in on revived Alex Gonzaga-Dina Bonnevie issue
- Court ruling shows Deniece Cornejo "inconsistencies" during cross-examination
- Aneeza Gutierrez prioritizes school, part-time job in Singapore over showbiz career in PH
INTERMENT FOR JOVIT
Ngayong araw na ito, December 14, inihatid na sa kanyang huling hantungan ang kauna-unahang Pilipinas Got Talent grand champion na si Jovit.
Nagkaroon muna ng misa at ilang pag-alaala sa kanyang buhay at kontribusyon, lalo na sa kanyang pamilya, mga kaibigan, at kababayan sa simbahan ng Most Holy Rosary Parish Church, Rosario, Batangas.
Naganap iyon bandang 11:00 a.m., at saka dinala ang mga labi ni Jovit sa Parish View Memorial Garden sa Padre Garcia, Rosario, Batangas.
Nagbigay rin daw ng rekognisyon si Rosario Mayor Leovigildo K. Morpe kay Jovit. Nagpasalamat ang alkalde sa aniya'y malaking naiambag ng singer sa kanilang bayan.
JOVIT'S MANAGER ON SINGER'S GENEROSITY
Sa pagpapatuloy ng panayam ng PEP.ph kay Jerry, tinanong namin kung ano ang pinaka mami-miss niya ngayong wala na ang alaga.
Noon lamang daw December 2021 ay nasa Canada sila para sa series of shows.
“Alam mo, bilang manager, napaka-generous niya sa akin, sa amin.
"Hindi ko makakalimutan yung kung may show kami abroad, minsan may mga natutuwa sa kanyang mga kababayan, nagti-tip… Sa amin pa niya iyon ibibigay," balik-tanaw ni Jerry.
Generous din daw ito sa pagbigay-saya sa tao, ayon kay Jerry.
"Si Jovit kasi, sabihin mo na kulang sa height o sa looks, pero may charm siya.
"Yun talaga na hanggang sa ibang bansa, grabe yung makikita mong charm and camaraderie na meron siya.
"Kasi siya, para siyang walking videoke. Sabihin mo sa kanyang kanta ka naman ng ganitong kanta… kakantahin niya. Kaya tuwang-tuwa sa kanya ang mga tao."
JOVIT'S SUDDEN DEATH
Madaling-araw ng December 9, 2022, nang pumanaw si Jovit dahil sa aneurysm o pagkakaroon ng blood clot sa utak.
Siya ay 29.
Kinumpirma ng pamilya ni Jovit na limang araw na-comatose ang singer sa Intensive Care Unit ng Jesus of Nazareth Hospital sa Batangas City bago ito bawian ng buhay.