Naihatid na sa kanyang huling hantungan si Jho Rovero, ang partner ng aktor na si Andrew Schimmer.
Ngayong araw, December 30, 2022, nailibing na si Jho matapos ang siyam na gabi ng lamay nito.
Si Andrew mismo ang nag-post ng interment details ng asawa.
Nagkaroon muna ng misa sa Saint Michael The Archangel Parish Church, sa Poblacion II, Marilao Bulacan.
Pagkatapos ng misa ng alas dos ng hapon, ibinyahe na ang mga labi ni Jho papuntang Marilao Memorial Garden sa Lias, Marilao, Bulacan upang doon ilagak ang kanyang mga labi.
Masigasig namang nag-live sa Facebook ang pinsan ni Jho na si Ning Concepcion Flaviano Rovero mula nang inialis ang mga labi ni Jho sa punerarya hanggang sa ito ay dalhin na sa simbahan para sa pagbabasbas.
Si Jho ay pumanaw sa edad na 34 noong December 20, 2022 matapos ang lagpas na isang taong pakikipaglaban nito sa sakit na severe hypoxemia na nauwi sa iba’t ibang kumplikasyon.
Read: Andrew Schimmer’s partner Jho Rovero dies
Labis-labis ang lungkot na nadarama ni Andrew sa pagpanaw ng kanyang nag-iisang pinakamamahal na partner.
Sa post niya ilang minuto matapos malagutan ng hininga si Jho, sinabi ng aktor na, “The Love of my Life…my wife..my best friend.. my partner in everything. Remember your promse, together forever. [broken heart emoji]”
Dobleng dagok din daw ang humagupit sa kanilang pamilya dahil bisperas ng ika-siyam na kaarawan ng kanilang anak na si Xander Schimmer noong pumanaw si Jho.
Ani Andrew, “Ang sakit lang kasi birthday ng bunso namin mamaya, di siya inabutan ng bunso namin."
Sa unang gabi nga ng lamay ni Jho ay nagdiwang si Xander ng kanyang kaarawan sa loob ng funeral chapel noong December 21, 2022.
Nang matanong kung ano ang wish niya, sagot ng bata: “I wish I will see mommy again.”
Sa isang bahagi ng video, kinakausap ni Xander ang inang nakahiga sa kanyang ataul.
Ayon sa bata, sinunod niya ang kagustuhan ng ina na mamigay ng kahit kaunting pagkain sa mga tao sa kanyang kaarawan.
Miss na miss na rin daw niya ito.
Sana raw ay makapiling niya muli ang inang si Jho.
Saad ni Xander na waring kinakausap ang ina, “Mommy, today is my birthday. I went first time to 7-Eleven. I helped someone. I gave them noodles because that's what you wanted.
"Also, I really miss you super dearly. Mommy, someday we will see each other again. I love you. And I love you so much. I miss you super-duper much.
"And I love you forever and ever, Mommy. I just wish you were well again and come home... I really, really wish that you come home and you were okay.
"And I really want you to be proud of me and Ate and Daddy. We'll keep making you proud every single day. Mommy, I love you so much. Ba-bye na, Mommy.”
Read: Xander Schimmer celebrates 9th birthday at mom Jho Rovero’s first day of wake
Naiwan ni Jho ang asawang si Andrew at ang dalawa nilang anak na sina Andrea at Xander Schimmer.