Masaya ang pambato ng Pilipinas sa Miss Universe 2022 na si Celeste Cortesi sa kanyang naging performance sa preliminary swimsuit and evening gown competitions ng nasabing pageant.
Nakapanayam ng pageant vlogger na si Adam Genato at ABS-CBN correspondent na si Dyan Castillejo si Celeste tungkol sa kanyang preliminary performance nitong Huwebes, January 12, 2023 (January 13, PH time).
Ayon sa beuaty queen, dumoble pa ang kanyang naramdamang motivation upang ibigay ang kanyang best performance dahil personal nanood ang kanyang ina na si Maria Luisa Rabimbi at ang kanyang boyfriend na si Mathew Custodio.
"Honestly, I feel great," pahayag ng 25-year-old beauty queen.
"You know, the energy in the crowd was really one of a kind... And when I was onstage, I was really just very grateful that my mom was watching me."
Hindi nakita ni Celeste sa audience ang kanyang ina at boyfriend.
Ngunit ramdam naman nito ang kanilang suporta, maging ng ibang Filipino pageant fans dahil sa mga sigaw na narinig nito sa tuwing tutungtong siya sa stage.
Kuwento ni Celeste, "I couldn't [see them] because there so many people. But I was looking for my mom, I was looking for my boyfriend but I couldn't see anyone.
"But I can hear the screams, like it was crazy."
Sabi pa nito, "I was just blessed and grateful, to be honest. I was really, really happy. And I was really enjoying the moment, every single step."
MISS UNIVERSE 2022 FINALS
Samantala, ipinaliwanag naman ni Celeste kung bakit nito napagdesisyunan na ibahin ang kanyang usual pageant look para sa preliminary competition ng Miss Universe 2022.
Sa prelims, very glamorous na may soft waves ang ginawa ni si Celeste sa kanyang buhok, kumpara sa nakasanayan nang hair bun na kanyang winning look noong Miss Universe Philippines 2022.
Ayon kay Celeste, "We wanted to put my hair down since I'm always in a bun, I'm always tight with my hair. So I wanted to do something a little bit different. Something more relaxed."
Sinigurado naman ni Celeste na may iba pang aabangan sa kanya pagdating sa finals dahil "totally different" look ang pinaplano niya para dito.
Pa-teaser ng beauty queen, "Let's see! Maybe I will change up something in my walk, in my posing. Let's see how it's gonna be but I'm very excited. This is it guys!"
Mensahe naman ni Celeste sa kanyang supporters: "I just wanna say thank you guys. I do read you and you give me so much love and support.
"And, you know, yesterday when I was walking on stage, I could really feel you in the crowd so thank you so much. I love you!"
Gaganapin ang grand coronation night ng Miss Universe 2022 ngayong Sabado January 14, 2023 (January 15, PH time), sa New Orleans Morial Convention Center.
READ MORE:
- Team Philippines, nilinaw ang balitang last replacement lang ang Darna costume ni Celeste Cortesi
- Jonas Gaffud says Celeste Cortesi prelims performance authentic despite naysayers' comments
- Mars Ravelo's Darna shows support for Celeste Cortesi
- FIRST LOOK: Celeste Cortesi stunning in sky-blue gown at Miss Universe 2022 preliminaries