Nagdadalamhati ngayon ang Kapamilya actress na si Janella Salvador sa pagpanaw ng kanyang 17-year-old na alagang pusa na si Twinkie.
Sa kanyang Instagram post nitong Lunes, January 16, 2023, ibinahagi ni Janella ang malungkot na balita kalakip ang pasasalamat at pangungulila sa alagang matagal na niyang kasama at itinuturing na "perfect cuddly gentle cat."
Espesyal si Twinkie para sa aktres, dahil ang inang si Jenine Desiderio ang mismong nagbigay nito bilang regalo noong kanyang 8th birthday.
Mababasa sa post ni Janella (published as is), “The hardest part about loving animals is knowing that you’re bound to outlive themwz.
“That’s 7 year old me in February ‘06, proud and ecstatic to be holding my advanced 8th birthday gift from my mama.”
Ikinuwento rin ng Darna star kung gaano siya na-love at first sight kay Twinkie nang una niya itong makita sa isang pet shop.
Lahad niya, “I found him at a petshop in Pasay and fell in love so fast that I didn’t want to leave him behind and wait for my birthday.
“He was the perfect cuddly gentle cat anyone could ever dream of.”
Sa huli ay nagpasalamat si Janella sa pinakamamahal na childhood pet at nangakong hindi niya ito makakalimutan.
Aniya, “Thank you for sharing 17 years of your life with us, Twinkie.
“You have a spot in my heart forever.”
Hindi ito ang kauna-unahang pagkakataong namatayan ng alaga si Janella.
Noong July 8, 2022 ay ipinagluksa rin niya ang pagkamatay ng alagang aso na si Max.
Higit pa sa alagang aso ang turing ni Janella kay Max.
Ito raw kasi ang naging kanlungan niya sa mga pagkakataong binabalot siya ng kalungkutan kaya naman ganoon na lamang ang kanyang pagmamahal sa itunuturing niyang “partner in life.”
Read: Janella Salvador mourns loss of pet dog: "I didn’t just lose a pet—I lost a partner in life."
Samantala, hindi man binanggit ni Janella ang naging dahilan ng pagkamatay ni Twinkie, sa comments section ng kanyang post ay bumuhos ang pakikiramay ng ilang kapwa niya celebrities.
Komento ni Iza Calzado, “I am truly sorry for your loss, Jea.”
Saad ni Melai Cantiveros, “Jea, we will pray for your heart.”
“Hugs [cry and broken hearted emoji],” naman ang comment ni Arci Munoz at Alora Samsam.
READ MORE:
- Janella Salvador, Markus Paterson reunite at son Jude’s 2nd birthday and baptism
- Markus Paterson reveals breakup with Janella Salvador happened almost a year ago
- Janella Salvador thoroughly single mom: "Kaya kong gawin...talagang nilalaban ko yun."
- Janella Salvador steals limelight with Valentina look
- Markus Paterson clarifies he's "friends" with ex-girlfriend Janella Salvador; says he will "never not love" her
- Markus Paterson denies physical abuse; Janella Salvador reveals trauma with “drunk men”
- Melai Cantiveros looks like Janella Salvador on Instagram post