Kinontra ng isang nagngangalang "Nhel Skie" ang pahayag ni Miss Universe Philippines 2020 Rabiya Mateo tungkol sa pag-reject niya noon sa proposal ng kanyang ex-boyfriend na si Neil Salvacion.
Nagpakilala si "Nhel Skie" na kapatid ni Neil.
Sa isang Facebook post ngayong araw, February 22, 2023, pinasinungalingan ni "Nhel Skie" na tinanggihan noon ng beauty queen ang marriage proposal ni Neil.
Ayon pa rito, suut-suot pa nga ni Rabiya ang engagement ring niya bago ito lumaban sa Miss Universe 2020.
Pasaring ng Facebook user kay Rabiya: “Nako! Ate.
“There’s always an option.
“To answer a question truthfully or to spill the tea with a fib.
“In addition. I’d like you to pay attention to this.
"You never rejected my brother’s proposal. In fact, you accepted it and wore the ring before your pageant started internationally.”
Sinabi pa ni "Nhel Skie," may nangyaring hindi maganda nang lumaban si Rabiya sa Miss Universe, at pinanindigan daw nito ang nagawang kasalanan.
Mabuti na lamang daw at hindi matabil si Neil kaya pinapalampas nito ang mga “scripted” na mga kasagutan ni Rabiya.
Sabi pa ng nagpakilalang kapatid ni Neil, “Something happened along the way and you opted to commit a sin during the pageant and you have to own up to that.
“You’re lucky na mas gustong manahimik ng kapatid ko kesa patulan ang mga scripted na sagot mo.”
Sa pagbisita ng Philippine Entertainment Portal (PEP.ph) sa Facebook acocunt ni "Nhel Skie," makikita sa profile nito na isa itong "ICU Nurse" at taga-Iloilo City,
Sa pagkakaalam ng publiko ay si Neil ang nurse, ngunit psibleng nurse din ang kapatid niya.
Pero walang makikitang larawan na pagkakakilanlan kung sino si "Nhel Skie.". Karamihan din ng posts nito ay quotes mula sa mga kilalang tao.
Nang puntahan naman ng PEP.ph ang Facebook account ni Neil ay may isang larawan kung saan naka-tag ang isang "Nhel Skie."
Ito marahil ang kapatid niyang babae.
Sa panayam ni Boy Abunda sa Fast Talk With Boy Abunda kay Rabiya kahapon, February 21, sinabi ng beauty queen nag-propose na sa kanya si Neil noon.
Read: Rabiya Mateo ready to settle down with boyfriend Jeric Gonzales
Pahayag niya, “I think this is the first time na sasabihin ko sa TV, but he [Neil] proposed to me and I was so young that time. I wasn’t ready. I have a lot of dreams for my family.
"And during that time, he was ready to settle na because, feeling niya, okay na siya sa buhay. Pero ako, I wanna aspire to be more.
"So, dun kami nagkaroon ng conflict. Feeling ko din, hindi ko na maibigay yung hundred percent sa relationship kasi maraming nangyayari.
"And yung engagement na yon, parang for me, it was a big step."
Read: Neil Salvacion confirms breakup with Rabiya Mateo: "The real thing is, we're not together anymore."
Itinanggi rin ni Rabiya na may kinalaman ang korona ng Miss Universe Philippines sa kanyang desisyong makipaghiwalay kay Neil.
Saad niya, “Hindi naman kami agad naghiwalay. Parang during that time, galing din ako sa walang-wala.
“Tapos nakita ko, when I won Miss Universe Philippines, sabi ko ito na yung time ko para makapag-ipon. Para mabilhan ko yung nanay ko ng bahay. Para maipagpatuloy ko kung gusto pa ng kapatid ko na mag-aral.
"So, parang ako po yung breadwinner. And dahil wala akong dad, parang nasa akin ang lahat ng responsibilidad na yon.
"So, hindi ko pa kayang iwan yon para mag-asawa."
Read: Did Neil Salvacion just confirm Rabiya Mateo dumped him in favor of her crown?