Sa June ngayong taon magaganap ang kasalan sa pagitan ng magkarelasyong Abby Viduya at Parañaque 1st District Councilor Jomari Yllana.
Sa eksklusibong panayam ng PEP.ph (Philippine Entertainment Portal) ngayong araw, February 27, 2023, ikinuwento ni Abby na sa Las Vegas, Nevada sila unang ikakasal ni Jomari.
Ayos na ayos na raw ang preparasyon nito.
Sa 2024 naman sila ikakasal sa simbahan dito sa Pilipinas.
Rebelasyon ni Abby, “We are targeting our civil union in June sa Vegas then church wedding namin here in the Philippines, next year, in Bicol.”
Ayon kay Abby, ang nais lang niya ay isang simpleng kasalan pero, “Jom wants to see me walk down the aisle.”
Idinetalye rin ni Abby sa PEP.ph ang wedding proposal ni Jomary.
Lubos ang saya ni Abby na hinintay talaga ni Jomari na umuwi ang ina niyang si Isabelita Razon Viduya mula Vancouver, Canada upang hingin ang kanyang kamay dito.
Sabi niya, “I was so touched that he asked my mom for my hand in marriage. It was so sweet.
"He was telling her all our plans for the wedding and also for our future. I was so happy, I cried.”
Hindi naman daw nasopresa si Abby sa ginawa ni Jomari dahil matagal na itong plano ng boyfriend.
Dagdag niya, “I wasn’t surprised because he has been planning that since we found out my mom is coming back here for a vacation. He planned for it the day she arrived here.”
JOMARI'S PAMAMANHIKAN
Kasado na talaga ang kasalan dahil namanhikan na rin si Jomari sa pamilya ni Abby.
Noong Biyernes, February 24, namanhikan si Jom at ang kanyang pamilya sa kanyang ina sa tahanan nila sa Parañaque.
Read: Jomari Yllana asks for Abby Viduya's hand in marriage through pamamanhikan
Kahapon, February 26 lamang ipinost ni Abby ang mga larawan sa tradisyunal na pamamanhikan ng nobyo.
Ang pamamanhikan ay ang pormal na paghingi ng lalaki sa kamay ng babaeng gusto niyang pakasalan.
Ginagawa ito sa harap ng kanilang mga magulang. Sa nasabing okasyon ay pinapalano na rin ang kasal.
Sabi ni Abby, “Jom is very traditional, yun talaga siya, hehehehe. He always makes me feel so loved and special. He shows me more and more with each passing day.”
SUPPORT FROM JOMARI'S FAMILY
Kasama ni Jomari sa pamamanhikan ang anak na si Andre Yllana, kapatid na si Ryan Yllana at asawa nitong si Jean, at ina nitong si Vicky Yllana.
Aniya, “It was nice that Andre, Mommy Vicky, Ryan & Jean and their kids were there. Mabait si Andre and full support siya sa amin.”
JOMARI yllana AND ABBY VIDUYA LOVE STORY
Sa PEP.ph unang umamin sina Jomari at Abby tungkol sa kanilang love story.
Unang nagkaroon ng relasyon sina Jomari at Abby—na kilala din noon sa pangalang Priscilla Almeda—noong kapwa pa sila teenager nung kalagitnaan ng dekada ’90.
Noong 2019, o pagkalipas ng mahighit dalawang dekada, ay nagkabalikan sila.
Ayon kay, first love niya si Jomari noong siya ay 15 years old.
Bagamat nagkahiwalay sila sa mahabang panahon ay nanatiling espesyal daw sa puso niya si Jomari.
READ: Priscilla Almeda opens up about relationship with Jomari Yllana: "I'm happy with him."
Noong 2020, nagbitiw ng salita si Jomari sa PEP.ph na si Abby na ang huling babae sa buhay niya.
Sa kabila raw ng makulay na pinagdaanan nila sa buhay, "We bring out the best in each other."
Read: Jomari Yllana says relationship with Priscilla Almeda will be his last
As early as June 2022, nagsabi na rin si Jomari na plano niyang pakasalan si Abby at gusto niyang pormal na mamanhikan sa pamilya nito.
Sabi pa noon ni Jomari patungkol kay Abby: "Kaya kong sabihin na okay na ako, ito na yung last ko. Final stop ko na ito.
"Puwede ko ring sabihin you are my first and you'll be my last."
Read: Jomari Yllana on wedding plans with Abby Viduya: "Ako legally single, siya legally single rin."