Inasahan na ng aktres na si Liza Soberano na magkakaroon ng iba't ibang reaksyon ang kanyang tell-all vlog sa YouTube noong Linggo, February 26, 2023.
Naging kontrobersiyal ang pahayag ni Liza kung bakit nagdesisyon siyang lumipat ng talent management company na hahawak sa kanyang showbiz career.
Read: Liza Soberano opens up about people getting “disappointed” with decision to change management
Si Liza ay homegrown star ng ABS-CBN.
Nasa pangangalaga siya ng Star Magic, ang talent management arm ng Kapamilya Network, mula 2013. Co-managed din siya ng talent manager na si Ogie Diaz.
Nag-expire ang kontrata niya sa ABS-CBN noong 2020.
Noong June 2022, lumipat si Liza sa Careless Music, ang record label at talent management company na co-owned ni James Reid.
Noong February 21, inakala ng marami na na-hack ang Instagram niya.
Pero kinabukasan, February 22, nag-post si Liza ng glam shots kalakip ng malamang tula tungkol sa isang bulaklak na gustong kumawala sa hawla at malayang lumipad sa kalangitan.
Kinumpirma ni Boy Abunda, sa programa niya sa GMA-7 noong February 23, na bahagi ng "rebranding" ni Liza ang pagbabago sa social media feed nito.
Hanggang sa binasag ni Liza ang pananahimik matapos pag-usapan ng netizens ang buradong posts niya sa Instagram.
Sa vlog ni Liza, ipinaliwanag niya na kaya siya lumipat ng management ay dahil gusto niya ng pagkakataong makibahagi sa mga desisyong may kinalaman sa kanyang showbiz career.
Mula raw kasi noong siya ay 16 years old ay laging ibang tao ang nasusunod kung anong proyekto ang gagawin niya at limitado lamang ang mga taong nakakatrabaho niya.
Umani ito ng magkasalungat na komento mula sa netizens at maging sa mga dating nakatrabaho ni Liza.
May ilang bumatikos sa kanyang kawalan umano ng appreciation sa mga proyekto at mga taong naging daan para sumikat siya bilang artista.
Sa panayam ng PEP.ph, idiniin ni Liza na tinatanaw niyang malaking utang na loob ang kinalulugaran niya sa industriya ngayon.
"I just want to reiterate that I'm so grateful for everything that I've achieved, and experienced," paglilinaw ni Liza.
Sabi niya patungkol sa dating home network at mga nakatrabaho noon:
"And I acknowledge that I wouldn't be anywhere near where I am today without everybody who is part of my journey since the beginning of my career.
"I wouldn't have the talent that I have, I wouldn't have the name that I have, and I wouldn't have everything that I have, material or not, if it weren't for them.
"And so I'm always grateful, thankful, and I am blessed to everybody that came into my life."
Nakapanayam ng PEP.ph si Liza sa press launch ng kanyang bagong endorsement sa Maya app nitong Lunes, February 27, 2023.
LIZA ON HER REBRANDING
Sinabi ng PEP.ph kay Liza na maraming tao ang nanibago at nabigla sa kanyang "rebranding" sa social media.
"I'm sure a lot of people were shocked especially with the YouTube video that I dropped," aminadong komento ni Liza.
"I don't know if they were shocked because I'm pretty sure a lot of them saw it coming when I transitioned to Careless last year.
"But being able to hear, like, my story and actually hear from myself what it is that I envision for myself, I think it kind of surprised them."
Bagamat aktibo siya sa social media noon, bihira ang mga pagkakataong naghahayag siya ng opinyon sa social media.
Liban dito ang mga pagkakataong nakakapanayam siya ng entertainment media, at mga panaka-naka niyang opinyon sa Twitter.
Sa kabilang banda, ipininarating ni Liza ang kanyang pasasalamat sa mga taong patuloy ang suporta sa kanya.
Aniya, "For those that are super supportive, I wanna say thank you."
LIZA, THE CREATIVE
Ayon pa kay Liza, gusto niyang magkaroon ng input sa mga proyektong kanyang gagawin ngayong nasa bagong yugto siya ng kanyang karera.
Una raw itong naranasan ni Liza nang maging bahagi siya mismo sa creative process ng kanyang campign para sa Maya app.
"It was very inspiring, I would say," sabi ng 25-year-old actress patungkol sa kanyang experience.
Patuloy pa nito, "Now that I had a taste of what collaborating feels like and being empowered to be creative and think outside the box, it's like I can't unsee it anymore, and that's the only way I wish to work.
"And it makes for a really meaningful campaign when you involve both ends of the people that are involved in the campaign because you're able to push for your own [or] each group's branding.
"And I think that's the way collaboration should be.
"It should be an equal amount of time and effort and pushing for the same narrative and the same vision or values while also boosting up your individual brand."
READ MORE:
- Liza Soberano opens up about decision to change management
- Liza Soberano back on Instagram after alleged hacking
- Liza Soberano’s Instagram account with almost 18M followers allegedly hacked
- Liza Soberano reveals moving to California USA for Hollywood dream
WHAT LIZA EXACTLY SAID ON HER VLOG
Ang pahayag ni Liza sa PEP.ph ay tugma sa kuwento niya sa kanyang vlog.
Bahagi ng paliwanag ni Liza roon: "I am 25 years old now and I think people forget that I’ve been working for 13 years now, since I was 12 years old.
“I’ve been in six feature films, over 500 episodes of teleseryes and have only really dabbled into three main genres – romance, comedy and drama.
“Since I was 16, I had only really worked side by side with one main co-star, with the same production company, rotating around the same three directors.”
Dagdag niya, “During all those years, I was never really asked for my input, my thoughts, my ideas.”