Atiklaham!
Streaming na ang reunion movie ng Alempoy umpisa bukas, Marso 23, 2023, Huwebes, sa Prime Video.
Sleeper hit ang indie movie na Kita Kita (2017) ng tambalang AlEmpoy — Alessandra de Rossi at Empoy Marquez — na isinulat at idinirek ni Sigrid Andrea Bernardo.
Read: AlEmpoy movie Kita Kita earns P90 million on first week, according to Spring Films
Ang reunion movie nila na Walang KaParis, structurally similar sa Kita Kita ang pagkakalahad.
“Sinadya ko na siya because definitely, mako-compare sa Kita Kita!” natatawang pag-ng writer-director na si Direk Sigrid sa Philippine Entertainment Portal (PEP.ph) matapos ang private screening nitong Marso 21, Martes, sa Shangri-La EDSA Mall, Mandaluyong City.
“So why not? Nag-pay na rin ako ng homage sa Kita Kita but it’s still different, yun.
“I took inspiration actually from Kita Kita. Kasi definitely iko-compare siya sa Kita Kita. So why not embrace it?
“May mga iba talaga na homage talaga ang Kita Kita.”
FROM THEATERS TO STREAMING
Bakit dumiretso sa streaming ang Walang Kaparis? Bakit hindi muna ito ipinalabas sa mga sinehan?
“Actually, that question is really for the producers. But it was… ahhmm… yun na nga, pandemic na,” lahad ni Direk Sigrid.
“During pandemic siya ibinenta so, I guess, at that time, hindi pa ano yung theaters nun, e. Yung theatrical. Baka yun ang inisip nila.”
Na-disappoint ba siya na hindi naghintay ang producers para mag-theatrical release?
“Ahhm not really because noon, nung time na nabili siya, nung nalaman namin na nabili ng online platform, and then may chance na baka mag-theatrical… ako mismo, hindi ko alam kung paano siya ipo-promote.
“Because to be honest, it’s my first time ngayon na makita siya sa theater. So, talagang medyo emotional for me even nung tine-test ko.
“Kasi it’s been what? Three years since 2019, first time kong manood ng sine ulit.
“So, alam mo yun, hindi ko rin alam nun kung kunyari ite-theatrical siya, paano ko siya ipo-promote?
“Because ako mismo, hindi pumupunta ng sinehan, hindi ako lumalabas because of pandemic.”
FROM SAPPORO TO PARIS
Mas mahirap ba this time dahil Paris, France ang location ng Walang KaParis, kumpara sa Kita Kita na sa Sapporo, Japan nagsyuting? O mas madali dahil gamay na niya ang tambalang Alempoy? O mahirap na madali?
“Ahmm madali lang dapat sana siya dahil mas naging mag-friends na kami, mas OK na,” pagmamatuwid ni Direk Sigrid.
“But then it was shot during pandemic. So, andaming mga rules, quarantine, RT-PCR you know, those stuff.
“So yun, medyo kinakabahan kami. May mga nag-positive o ano.”
Mas lumaki ang budget dahil sa safety protocols!
“Yes! Yes! Actually malaking part ng budget namin, napunta talaga sa mga kailangan dahil pandemic,” sambit ni Direk Sigrid.
“So siyempre ako… sayang! Imbes na sa production mapunta yung budget, kailangang mag-adjust ko talaga.”
Alessandra de Rossi and Empoy Marquez
FORGOTTEN MEMORIES
Sa end credits ng Walang KaParis, inilagay na ang movie ay inspired by forgotten memories — halaw sa totoong buhay.
Napangiti si Direk Sigrid, “Well definitely, merong personal na experience regarding dun sa kuwento talaga. But not… sa bawat ano dun…
“But definitely merong experience doon sa nakalimot ng feelings because of an accident, hindi ko lang masabi yung name. So, nangyari siya.
“So that’s part of the inspiration talaga. Dun talaga nagsimula.”
Swak sa kuwento ng Walang Kaparis ang 1931 painting ni Salvador Dali na The Persistence of Memory (“La persistencia de la memoria”).
Ang nasabing painting ay nasa koleksiyon ng Museum of Modern Art (MoMA) ng New York City noon pang 1934. Tinatawag din ang naturang painting bilang Melting Clocks, The Soft Watches, o The Melting Watches.
TAILOR-MADE FOR ALEMPOY
Ito bang Walang KaParis ay para talaga sa balik-tambalan ng Alempoy?
“Yes!” mabilis na tugon ni Direk Sigrid.
Hindi ba naikunsidera ang ibang leading man?
“No, no, no talaga. Talagang isinulat ko siya… ahhmm after Kita Kita, siyempre kumatok siya. So, talagang nilapitan talaga ako ng producers to do another film,” pagsisiwalat ni Direk Sigrid.
“But then… lagi kong sinasabi, sobra yung pressure for me as a director, as a creator. Parang how can you top Kita Kita? Ayoko na talaga!
“But then… it took me two years na ligawan ako and pag-isipan kung ano talaga yung dapat na next film nila.”
Why Paris?
“Ahmm well una, kasi ahhh… may one time na nagluto ako ng pares with my partner,” saad ni Direk Sigrid.
“Masarap pala yung pares! And then galing akong Paris. What if kumain tayo ng pares sa Paris? Ganun lang siya kasimple.”