Nagsalita si Yassi Pressman tungkol sa relasyon ng kanyang kapatid na si Issa Pressman kay James Reid.
Sinabi ni Yassi na isang beses lamang siya sasagot para matapos na ang isyu.
Si Issa ang inakusahang third party nang isapubliko ang paghihiwalay nina James at Nadine Lustre noong January 2020, pero pinabulaanan ito nina Nadine at Yassi noon.
Noong March 14, 2023, magkasama at magkahawak-kamay na pinanood nina James at Issa ang concert ni Harry Styles sa Philippine Arena, kaya muling nabuhay ang kontrobersiya noon.
Read: James Reid, Issa Pressman holding hands in photo; are they an item?
Dawit si Yassi—na kilalang malapit na kaibigan ni Nadine—sa pambabatikos ngayon ng fans.
Ayon kay Yassi, hindi isyu ang pagiging magkasintahan nina James at Issa.
Inihayag ito ni Yassi sa media conference ng Kurdapya, ang twin-serye ng TV5 at Viva Television na pinangungunahan nila ni Marco Gumabao, kahapon, March 23, 2023.
"Wala pong problema. Kami po ni Nadine, okay po kami. Okay rin po yung buong pamilya namin," paglilinaw ni Yassi.
Sa mga sumunod na salita ni Yassi, ipinahiwatig niyang alam ni Nadine ang tungkol kina James at Issa.
Sabi ni Yassi: "At siyempre po, bago po nag-public ang lahat, lahat po naasikaso in private. So, lahat po, walang problema.
"And me and Nadine are cool, we’re friends. We’ve been friends ever since we were kids kaya naman lahat po, okay po."
Sa huli, sinabi ni Yassi na higit tatlong taon na mula nang mag-break sina James at Nadine na parehong may kanya-kanyang buhay ngayon.
"Saka ilang taon na rin po kaya sana everybody, let everyone be happy," pahayag ni Yassi.
JAMES REID ADMITS RELATIONSHIP WITH ISSA PRESSMAN
Una nang nagsalita si James hinggil sa batikos ng fans sa kanila ni Issa.
Sa kanyang IG at Twitter post noong March 17, 2023, nilinaw ni James na, "The past rumors about Issa are just that, rumors."
Ipinahiwatig din ni James na hindi niya hahayaang mabahiran ng isyu ang relasyon nila ngayon ni Issa.
"I usually NEVER address bashers or get involved in hate culture but I feel the need to speak up now because this is the start of something beautiful.
"And I’m not gonna let anyone take that for me.
"To my fans, all you need to know from me is that I’m the happiest I’ve ever been."
ISSA PRESSMAN'S PAST RELATIONSHIPS
Sa parte ni Issa, hindi lingid sa kaalaman ng mga sumusubaybay sa kanya ang kanyang mga nakarelasyon.
Noong November 2018, inamin ni Issa na bisexual siya at isiniwalat niya sa publiko ang relasyon nila noon ni Marga Bermudez.
Paliwanag ni Issa sa kanyang coming-out story sa kanyang pamilya:
“Because my family is quite small and we're only four in the family. I think it was just the way that I had to introduce myself to them, of like 'liking girls, liking guys.' That's me. That's who I am.
"For them it was just like, 'If you're happy with what you're doing, if you think that you're doing is something that would make you happy, could make you happy then go ahead.'"
Gaya ni James, singer din si Marga na kilala sa stage name nito na Marga On The Mic.
Hindi nagtagal ang relasyon nina Marga at Issa dahil humantong ito sa paghihiwalay.
Hindi si James ang unang showbiz personality boyfriend ni Issa dahil si Derrick Monasterio ang karelasyon niya noong 2014.
Read: Derrick Monasterio reacts to Issa Pressman's relationship with Marga Bermudez