Masayang ibinahagi ni AJ Raval sa kanyang Instagram account ngayong araw, March 30, 2023 ang larawan niya hawak ang dalawang silicone.
Makikita ring balot ang katawan ni AJ ng elastic bandage na senyales na kagagaling lamang niya sa isang medical procedure.
Tanging heart emoji ang caption ni AJ sa kanyang post kung saan kitang-kita ang kuntodo niyang ngiti.
View this post on Instagram
Noon pang 2022 plano ni AJ na ipatanggal ang kanyang breast implants pero hindi ito natuloy.
Saad niya sa presscon ng kanyang pelikulang Crush Kong Curly noong December 2021, may nagmungkahi sa kanyang magpadagdag ng boobs noong 2020 kaya sumailalim siya sa operasyon.
Tila nangibabaw sa kanya ang excitement kaya ginawa niya ang pagpapadagdag ng suso.
Aniya, “Hindi po ako nag-iisip that time. Na-excite po ako masyado.
”Naging happy naman po ako pero ang dami ko pa rin realizations and I’m planning na ipatanggal ko next year.
“I’m planning po, kasi last year, nagpa-enhance po ako ng boobs. Ayoko pong magsinungaling, natural na po sa akin yun.
“Pero planning po ako na ipatanggal next year. Gusto ko pong magkaroon ng freedom sa sarili ko.
”Before kasi, hindi naman ako nako-conscious sa boobs ko. Pero ever since na ipinalagay po, dun po ako nag-start na ma-conscious.
”Planning po ako next year na ipatanggal.”
Read: AJ Raval, umaming nagpadagdag ng boobs; balak ipatanggal sa 2022