Muling nanguna ang business tycoon at dating senador na si Manny Villar sa labing-apat (14) na mga Pilipinong pasok sa Forbes Magazine’s 2023 World’s Billionaires List.
Si Villar ang chairperson ng Vista Land & Lifescapes Inc., AllDay Supermarkets, at Vistamalls Inc.
Ayon sa Forbes, nakapagtala si Villar ng $8.6 billion net worth ngayong taon.
Mula sa pagiging 263rd place noong 2022, umakyat na siya sa 232nd place ngayong 2023.
Read: Sy siblings, Manny Villar remain on top of Forbes Philippines' Richest 2022 list
Pumapangalawa sa kanya ang Pilipinong negosyante na si Enrique Razon Jr., na nasa 312th place.
Si Razon, may-ari ng Solaire Resort and Casino, ay may net worth ngayong $7.3 billion.
Pangatlo sa pinakamayang Pilipino sa mundo si Ramon Ang, na may net worth na $3.4 billion.
Si Ang, na nasa 852nd place, ang may-ari ng San Miguel Corporations.
Tie naman sa 1,217th place sina Henry Sy Jr. at Andrew Tan, na parehong may net worth na $2.5-billion.
Si Sy ang co-vice-chairman ng SM Investments Corp. (SMIC), habang si Tan ang may-ari ng Emperador Distillers at may malaking share sa Megaworld real estate company.
Tie din sa 1,272nd place ang magkapatid na Hans Sy at Herbert Sy, at Philippine Airlines owner na si Lucio Tan.
Nakapagtala sila ng net worth na $2.4 billion.
Narito ang iba pang Pilipinong kasama sa Forbes' billionaires club ngayong 2023:
Harley Sy at Teresita Sy-Coson, 1,368th place, na parehong may $2.2 billion net worth.
Sinundan ito ng kapatid nilang si Elizabeth Sy, na nasa 1,575th place, at may. $1.9 billion net worth.
Sina Harley,Teresita, at Elizabeth ay anak ng yumaong tycoon na si Henry Sy Sr.
Lance Gokongwei, 2,020th place. Si Lance, President and CEO ng JG Summit Holdings Inc., ay may net worth na $1.4 billion.
Tony Tan Caktiong, 2,259th place, $1.2 billion. Si Caktiong ang chairman at founder ng Jollibee Foods Corp. (JFC).
Iñigo Zobel, 2,540th place, $1-billion net worth. Si Zobel ang board director ng San Miguel Corp.
Samantala, nananatiling richest man in the world si Bernard Arnault, ang owner ng pinakamalaking luxury goods company na LVMH (Louis Vuitton, Moët, Hennessy). Mayroon siyang $211 billion net worth.
Sinundan siya nina Elon Musk, ng Tesla Inc., na may $180 billion net worth; Jeff Bezos, ng Amazon.com Inc. na may $114 billion net worth; Larry Ellison, ng Oracle, na may $107 billion; at Warren Buffett, chairman at founder ng Berkshire Hathaway, na may $106 billion net worth.
Read: Meet Bernard Arnault, world's richest man na tumalo kina Elon Musk, Bill Gates