Kabilang ang dalawang national pageant titleholders, magkapatid, isang pulis, licensed professionals, at sorority members sa mga pumasa sa 2022 Bar Exams.
Ngayong araw, April 14, 2023, inilabas ang resulta sa Supreme Court.
Bumaha ng tears of joy at emosyon mula sa mga nakapasa at kani-kanilang pamilya.
Ang kumuha ng bar exams noong November 2022 ay 9,183, at ang nakapasa ay 3,992 o 43.47 percent.
BEAUTY QUEENS, SORORITY SISTERS, POLICE OFFICER, ETC.
Kabilang sa mga passers ay si Eva Patalinhug, na kilala sa pageant world dahil sa title niya as Binibining Pilipinas Grand International 2018. Siya ay ka-batch ni Miss Universe 2018 Catriona Gray noon.
Pumasa rin si Patrixia Santos, Miss Philippines Earth Air 2020.
Masaya namang inanunsiyo ng UP Portia Sorority na 100 percent sa 21 “sissies” nilang kumuha ng bar exams ngayong taon ay pasado.
Ayon sa FB page nito, ang sorority ay “the only duly-recognized law-based sorority in the UP College of Law.”
Read also:
- Bar topnotcher, four times napurnada ang last year sa college dahil sa colon cancer
- Bar passer lubos ang pasalamat sa ama na dating TNT sa Japan
- Anak ng dating TNT sa Japan, pumasa sa bar exam
May mga licensed professionals ding nakapasa.
Si Jayson Francisco, bukod sa pagiging licensed electrical engineer, ay isa na ring attorney.
Ayon naman sa Facebook posts ng Rappler, kasama sa passers ang registered nurse na si Kristen Balan, na kauna-unahang abogado sa kanilang pamilya. Proud mother naman si Eden Valdez dahil ang dalawang anak niyang sina Jessamine at Evan ay nakapasa rin. Balak ng magkapatid na magtrabaho sa gobyerno tulad ng kanilang ina.
Pumasa rin ang pulis na si Senior Jail Officer 2 Richard Operario Banaldia ng Borongan City District Jail.
“Your hard work and dedication have paid off, and we couldn't be more proud of you. Your accomplishment is a testament to your intelligence and perseverance,” pagbati kay Banaldia ng Bureau of Jail Management and Penology Region VIII via Facebook.
Nagmistula namang magandang birthday gift kay Richard Baker ang pagkakapasa niya.
Ipinost sa Facebook ang larawan ng birthday boy hawak ang kanyang cake at ang screenshot na nagtataglay ng kanyang pangalan.
Trending ngayong araw sa Twitter ang hashtag na #GetThatBar2022 sa paglabas ng resulta ng 2022 Bar Exams.