Tila malaki ang pag-asang makamtam ni Miguel Tanfelix ang matamis na "oo" ni Ysabel Ortega.
Pareho silang 24 years old at co-stars sa upcoming Kapuso mega-series na Voltes V: Legacy.
Sa panayam ng PEP.ph (Philippine Entertainment Portal), inamin ni Ysabel na malapit siya sa binata at naa-appreciate niya ang pagiging supportive nito sa kanyang career at pag-aaral.
Nagtapos si Ysabel ng kursong Political Economy, at kasalukuyang nasa first semester sa law school.
"In so many ways, I feel like si Miguel, sobrang tinulungan niya akong mag-step out of my shell.
"Kasi before, talagang mahiyain ako. Hindi ako marunong sumayaw. Ngayon, natutulungan niya ako," saad ni Ysabel tungkol kay Miguel.
"Kunwari may prod kami sa All Out Sundays, talagang nandiyan siya at nakasuporta sa akin.
"And he’s really helping me grow, and maganda rin na may ganoon kang support system. And ganoon din ako sa kanya.”
Hindi ba demanding si Miguel?
Sagot ni Ysabel, "Hindi naman po, kasi nakikita rin naman niya na I’m trying to make time din.
"At saka, may compromise kami. Minsan, sinasamahan niya akong mag-aral.
"Kunwari, naka-video call lang kami. Nag-aaral ako, tapos siya, nagbabasa rin, nag-aaral din.
"Or pag break time, naglalaro kami together. Talagang we find ways din."
Tahasan ding sinabi ni Ysabel na hindi sagabal sa career at studies niya ang ugnayan nila ni Miguel.
"Kasi naiintindihan din naman niya ang mga pangarap ko.
"And, at the same time, kung meron din siyang kailangang i-focus o paglaanan ng time, naiintindihan ko rin yun.
"We’re not each other’s distraction. We support each other."
Nakausap ng PEP.ph si Ysabel nang ilunsad siya bilang isa sa ambassador ng beauty brand na Beautéderm.
ysabel ortega and miguel tanfelix STILL ON COURTSHIP STAGE
Sa paglalarawan ni Ysabel sa closeness nila ni Miguel, hindi maiwasang magkaroon ng impresyon na sila na.
Pero paglilinaw ni Ysabel, nanliligaw pa rin sa kanya ang Kapuso actor.
"Inamin naman po niya kay Tito Boy Abunda. Ang dami rin po niyang brining-up. So, siguro yes, open naman po na nililigawan niya ako," saad ni Ysabel.
Hindi pa sila magkasintahan?
Sagot ng dalaga, "Hindi pa, hindi pa… Ang dami pang kailangang gawin.
"Ang dami pang kailangang kaining bigas bago tayo pumunta doon, di ba? Ang dami pa naming kailangang i-achieve."
Ang mahalaga ay bukas si Miguel sa intensiyon nito sa kanya.
"Siyempre na-touch po ako. Sino ba naman ang may ayaw na ipagmalaki ka?
"I definitely appreciate that, and na-appreciate ko rin yun for my mom," na ang tinutukoy niya ay ang kanyang ina na si Michelle Ortega.
READ Miguel Tanfelix, naka-pogi points dahil sa sinabing willing maghintay kay Ysabel Ortega
Nabanggit din ni Miguel sa TV interview ang past relationships nito, kabilang ang dating love-team partner na si Bianca Umali.
Okay si Ysabel sa mga ito?
"Yeah, I’m super okay with Bianca po," mabilis na sagot ni Ysabel.
"We meet from time to time po sa variety show. Very professional, and, at the same time, wala rin naman pong reason para hindi kami maging okay. We’re good."
ON DAD LITO LAPID as her "Idol"
Sa isang banda, nabanggit ng PEP.ph kay Ysabel na nang huli naming makausap ang biological father niya, si Senator Lito Lapid, nasabi nito na proud ito sa mga nangyayari sa career ng anak.
"Sobrang grateful po ako. And sobrang idol ko ang dad ko. I mean, action king and more other things.
"So sobrang grateful po na nandiyan si Papa at nakasuporta sa akin."
Aminado raw si Ysabel sa pinagdaanan ng ama na madalas mabatikos dahil hindi ito nakapag-aral ng kolehiyo.
"Pinu-push niya rin po ako, and, actually, isa rin siya sa nagsasabi sa akin na mag-abogada rin ako.
"Na i-juggle ko yung dalawa. Kasi, kilala niya rin ako na alam niyang passion ko yun."
Kahit aktibo sa showbiz, tinatiyaga raw ni Ysabel maging full-time law student.
“Nakikita ko naman po na kakayanin," saad ni Ysabel.
"May strategy naman po ako. May time na super busy, focus muna sa career.
"But when you’re not doing so much, doon mo ibubuhos ang lahat ng oras mo sa law school."