Sa halos isang taon at kalahati nilang pagsasama bilang mag-asawa, masaya at kuntento raw si Ellen Adarna bilang maybahay ni Derek Ramsay.
Ikinasal sila nung November 11, 2021, o less than nine months mula nang maging magkasintahan sila.
"I'm very much enjoying it. Tampuhan? Rarely. I can only count the times we fought," bungad ni Ellen.
Paano nila inaayos ang kanilang hindi pagkakaunawaan?
Sagot niya, "We do have some arguments, but rarely. It's very child-like.
"From the beginning pa, start pa ng relationship namin, parang na-set na yung boundaries.
"Like, say, we fight, he can't say these things to me and he honors it, he respects it and vice versa.
"It's a very harmonious and respectful argument."
Read: Ellen Adarna speaks about meeting John Lloyd Cruz's girlfriend Isabel Santos
"HOME SWEETIE HOME"
Game na sumagot si Ellen nang may nagtanong sa kanya kung "home sweetie home" ang pagsasama nila ni Derek.
Ang Home Sweetie Home ay titulo ng defunct Kapamilya sitcom kunsaan nagkatrabaho noon si Ellen at ang ex-boyfriend na si John Lloyd Cruz.
Si John Lloyd ang anak ni Ellen na si Elias Modesto, magli-limang taon sa Hunyo.
Sang-ayon ni Ellen, "Yeah, home sweetie home, very home sweetie home. He plays golf, I have my me time.
"And then, papatulugin ko si Elias in the afternoon.
"Quality time with Derek, pag naglalaro si Elias sa park. At night tulog kami, Elias still sleeps with us."
Read: Derek Ramsay and Ellen Adarna marry anew in Peru
NO TO SHOWBIZ FOR NOW
Sa ngayon ay pansamantalang iniwan nina Ellen at Derek ang showbiz. Nagpopokus daw ang mister sa business nitong real estate.
"Okay naman siya. Alam mo, ibigay na natin sa kanya kasi, di ba, he's been working so long in the industry?
"He's forty-seven, puwede rin namang magpahinga and mag-enjoy. Pinaghirapan niya, he worked hard on it also," sabi niya.
Hindi nakikita ni Ellen ang sarili na babalik sa pag-aartista sa ngayon. Ang huling proyekto niya ay ang sitcom na John en Ellen noong 2021.
"For now, I like the peace that I have with my life and I'm enjoying it. Kasi, di ba, alam mo naman with it comes a lot of controversies and drama.
"Hindi, for now, hindi muna talaga. Wala muna kasi nagpaplano din akong this year I'll get pregnant, hopefully.
"It's another seven years, informative years, so no. I just want to be there for my son or kids during their informative years, that's the most crucial stage of their lives."
