Ikinuwento ng former Pinoy Big Brother (PBB) Season 8 finalist na si Angelie “Lie” Reposposa, 19, na nakilala niya sa social media ang kanyang British fiancé na si Paul Joshua Marsden, 19.
Inamin din ni Lie na siya ang gumawa ng first move para mapansin ng kanyang kasintahan.
February 2023 nang mapaulat na engaged na ang singer-actress sa kanyang foreigner boyfriend.
Read: Ex-PBB housemate Lie Reposposa, 19, engaged to British boyfriend
December 2022 naman nang isapubliko ni Lie ang tungkol sa kanyang relasyon via Instagram.
“Nag-search ako ng mga pangalan kasi bored ako nun. Wala akong magawa kaya pumunta ako dun sa IG,” pagbabahagi ni Lie sa Magandang Buhay episode noong April 25, 2023.
Sa search ay inilagay ni Lie ang pangalang “Paul.” Hindi naman ipinaliwanag ni Lie kung bakit ito ang pangalan na naisipan niyang i-type sa search.
“Tapos pagka-search ko, nakita ko yung picture niya, klinick ko. Tapos timing nun, meron siyang [IG] Story kaya hineart ko para may first move, ganon,” nakangiting kuwento ni Lie.
Napansin daw ito ni Paul kaya tiningnan ng binata ang Instagram account ni Lie.
Pagpapatuloy ni Lie, “Tapos sabi niya sa akin, nakita niya yung profile [picture] ko, maganda daw kaya pinindot niya din daw.
“Tapos hindi ko siya finollow, kaya siya yung nag-follow sa akin.
“Tapos hineart niya lahat ng mga post ko. Tapos nun, e, di nag-Story din ako, tapos nun chinat niya ako, ‘You look so beautiful.’”
Nag-follow back daw si Lie sa binata at doon nagsimula ang kanilang pag-uusap.
“Ang gaan niya lang kausap, parang boy version ko siya, ganon,” paglalarawan ni Lie.
Hindi rin itinago ni Lie na may language barrier sa messaging nila nung una.
“Nung una nahirapan talaga ako, kaya palaban ako sa Google translate.
“Tapos nagugulat siya kasi ang tagal ko daw mag-reply,” nangingiting kuwento ni Lie.
TAKING THEIR RELATIONSHIP TO THE NEXT LEVEL
Hindi raw aware ang binata na isang celebrity si Lie sa Pilipinas.
“Nung una hindi niya alam na artista ako. Tapos nakakatawa pa, sinearch niya ang pangalan ko sa Google. Ang lumabas yung picture ko sa PBB, yung mukha ko diyan ano… ang ganda,” biro ni Lie.
Kinumpirma naman daw ni Lie sa binata na siya ang nasa larawan.
Madali raw silang nagkapalagayan ng loob sa kanilang pag-uusap.
Matapos daw ang dalawang buwang pag-uusap via messaging, pumunta sa Pilipinas si Paul para makita si Lie.
“Sabi niya pupunta daw siya sa Pilipinas para sa akin. Tapos bumili siya ng ticket.
“Nagkita kami, grabe! Parang pogi na siya sa picture, pero sa personal, grabe, sobrang pogi. Ang flawless tapos, pramis…”
Maituturing na whirlwind romance ang nangyari kina Lie at Paul dahil noon lamang February 2023 ay ipinost ni Lie na engaged na siya sa foreigner boyfriend.