Maraming netizens ang napa-"sana all" sa Filipina actress/director/writer na si Bela Padilla.
Ito’y matapos niyang mag-post sa Instagram nitong Martes, May 23, 2023, ng larawan niya kasama ang South Korean superstar na si Song Joong-ki.
Kuha ang nasabing larawan sa Cannes Film Festival sa France na pareho nilang dinaluhan.
Read: Song Joong Ki now married to Katy Louise Saunders; reveals she is pregnant
Kapansin-pansin ding hindi napigilang ma-startstruck at mag-fangirl ni Bela sa lead star ng Netflix hit series na Vincenzo na inilarawan niya bilang “chill at friendly.”
Pinasalamatan din ni Bela ang Filipino director na si Adolf Alix Jr. na siyang naging daan upang makapagpa-selfie ang aktres kay Song Joong-ki.
Mababasa sa kanyang caption (published as is), “Good morning.
“(He’s so chill and friendly ????)
“Thank you for pointing him out direk @aalixjr.”
PINOY CELEBRITIES REACT
Sa comments section ng post ni Bela, marami sa netizens, partikular na ang K-drama fans, ang tila nainggit at napa-sana all.
Kabilang sa mga nagkomento ang malalapit na kaibigan ni Bela na sina Angelica Panganiban at Kim Chiu na aminadong mga fan din ni Song Joong-ki.
Ani Angelica, "Momshy!!!! Paki add siya sa group chat pls."
Hirit naman ni Kim, "OMG!!!! Pa add na sha sa GC momsy!!!! May sasabihin ako!!!! [laugh in tears emojis] pede pa video greet!!???"
Maging sina Mariel Padilla, Dianne Medina, Myrtle Sarrosa, Kim Atienza, Kaye Abad, Ryan Bang, at Almira Muhlach ay hindi rin pinalampas na magkomento sa kanya.
Nakilala si Song Joong-ki sa mga pinagbidahan niyang K-drama series kagaya ng Descendents of the Sun (2016), Arthdal Chronicles (2019), Vincenzo (2021), at Reborn Rich (2022).