"Leave it alone."
Ito ang sagot ni Tito Sotto sa tanong ni Bullet Jalosjos kaugnay ng pagkalas ng original hosts ng Eat Bulaga! sa TAPE pagkatapos ng 44 taon.
Sa exclusive interview ng Philippine Entertainment Portal (PEP.ph) kay Bullet noong Sabado, June 3, 2023, ay nag-iwan siya ng sunud-sunod na katanungan kay Tito:
"Ano po talaga yung puno’t dulo nito? What was it that you wanted us to do? Gusto niyo ba mawala kami? Gusto niyo ba tuloy-tuloy pa rin?... Why iiwanan niyo yung something that you've had for 44 years? For what? Nainsulto ba kayo sa amin?"
Read: TAPE's Bullet Jalosjos on TVJ departing from Eat Bulaga!: "It was bound to happen."
Sa panayam ni Tito sa CNN Philippines kahapon, June 5, kinuha ng anchor na si Pinky Webb ang tugon ng dating Senate President sa tanong ni Bullet, ang Chief Finance Officer (CFO) ng TAPE.
Sabi niya, "Ang puno't dulo, leave it [Eat Bulaga!] alone.
"It was doing well. The ratings were as usual. Mali yung sinasabi bumaba raw yung rating, nabawasan nga ng kalaban, e...
"Ang pinakaano dun, dapat hindi pinakialaman, leave it alone."
Ayon pa kay Tito, walang naging kontribusyon ang Jalosjos Family sa Eat Bulaga! sa loob ng 44 taon kahit ang mga ito ang producer ng noontime show.
"After all these years, 44 years, hindi naman sila nakikialam sa amin, e. It was Tony Tuviera who was coordinating with us the whole time.
"It was Tony Tuviera na kausap namin. Lahat ng production, lahat ng ginagawa namin dun, kami-kami yon."
Si Tony Tuviera o Antonio Tuviera, aka Tony o Mr. T, ang dating TAPE President at CEO.
Dagdag pa ni Tito, "Wala naman silang contribution doon, e. Kasi pati yung sinasabi na saan daw ba nanggagaling yung ginagastos namin, hindi sa kanila, sa advertisers.
"Kasi nga, madalas nadi-delay [ang talent fee] dahil nababaon sa utang. Mukhang hindi nila alam ang kinukuha ng kanilang chairman emeritus kaya nakakapagsalita sila ng ganun."
Ang chairman emeritus na tinutukoy ni Tito ay ang ama nina Jon, Bullet, at Soraya na si Romeo "Romy" Jalosjos, Sr., na may 75 percent shares sa kumpanya.
Alas-nuebe ng umaga ang live interview ni Tito sa CNN Philippines, tatlong oras bago ang pagbabalik sa ere ng iniwanan nilang programa.
Tinanong ni Pinky si Tito kung ano ang mararamdaman niya kapag nag-live ulit ang Eat Bulaga! na may ibang hosts.
Tugon niya, "Well, it’s up to them, it's their own lookout. It’s their own lookout kasi nga nung pinag-usapan namin iyan, wika mo nga, kina Attorney.
"Nung pinag-usapan namin iyan, sabi namin, 'Do we prevent them from doing so, from producing it, or whatever?'
"Sabi sa amin nung mga expert dun, 'Di, hayaan niyo para mas meron tayong hahabulin. Mas meron tayong sisingilin.' Yan ang sabi nila."
Ang tinutukoy ni Tito na "Attorney" ay si Atty. Buko dela Cruz ng DivinaLaw, na abogado ng TVJ kaugnay ng mga isyu kaugnay ng "Eat Bulaga!" trademark.
Umere muli nang live ang Eat Bulaga! kahapon kung saan ipinakilala bilang bagong hosts ng noontime show sina Paolo Contis, Buboy Villar, Betong Sumaya, ang kambal na sina Cassy and Mavy Legaspi, at ang dating Tropang LOL co-host na si Alexa Miro.
Read: Paolo Contis, Betong Sumaya, Buboy Villar are the new 'Eat Bulaga!' hosts