Nagsalita si Mavy Legaspi tungkol sa saloobin ng mga magulang niyang sina Zoren Legaspi at Carmina Villarroel kaugnay ng pagtanggap nila ng kakambal na si Cassy Legaspi bilang maging bahagi ng Eat Bulaga!.
Sina Cassy at Mavy, kasama sina Paolo Contis, Betong Sumaya, Buboy Villar, Alexa Miro, Kokoy de Santos, at all-female group na XOXO ang mga bagong host ng bagong-bihis na Eat Bulaga!, ang longest-running noontime show na umeere sa GMA-7.
Read: Paolo Contis, Betong Sumaya, Buboy Villar are the new 'Eat Bulaga!' hosts
Matinding batikos ang ibinabato ngayon ng publiko sa mga bagong host ng Eat Bulaga!, na ikinukumpara sa original hosts na sina Tito, Vic, and Joey at kanilang co-hosts.
Gustong malaman ng publiko ang sentimyento ng mag-asawang Carmina at Zoren dahil kasamang naba-bash ang kanilang kambal na anak.
Kahapon, Jue 8, 2023, sa press conference ng LUV IS: Love at First Read, ang upcoming Kapuso Wattpad-based series na pinagbibidahan nila ni Kyline Alcantara, inusisa si Mavy tungkol dito.
Ayon kay Mavy, tinanong muna sila ng kanilang mga magulang kung gusto nilang tanggapin ang hosting job sa Eat Bulaga!.
“Definitely, they gave us the decision to decide whether to take it or not. Pero may mas malaking push kasi yung dad ko,” sabi ni Mavy ukol sa amang si Zoren.
“I'm free to say this… ito nga yung sinabi niya sa akin.
“I believe them, kasi they've been in the industry for so long, and they know kung anong opportunity dapat i-grab para ma-improve ang skills.”
Inamin ni Mavy na mas sensitibo ang inang si Carmina sa isyung ito. Pero bilang ina, sinuportahan daw sila nito sa kanilang desisyong tanggapin ang offer.
Aniya, “Siyempre, mas sensitive in her end. Pero doon siya sa improvement ng mga anak niya, towards Cassy and I.
“I appreciate that dahil alam ko, close to heart yung EB sa kanya and very sensitive siya.
“And of course, we're clean, we're clean in the personal side.”
Makahulugang pakli pa ni Mavy: “I won't talk about that, but I just wanna put out there, in the personal end with the family and together with the EB hosts, in the personal end, we're good.
“So, trabaho lang, that's what they said, trabaho lang.”
Sundot na tanong kay Mavy: nakausap ba ng mommy niya ang TVJ?
Maingat na sagot ni Mavy, “Yes, but… trabaho lang. Yeah. Yes. That's what I mean by, ‘in the personal end,’ okay naman kami. Pero...”
Hindi na nag-elaborate si Mavy, pero base sa kanyang sinambit ay nagpasintabi si Carmina sa TVJ. Ngunit hindi binanggit ni Mavy kung ano ang nakuhang reaksiyon ni Carmina o kung may nakuhang reaksiyon ang ina mula sa TVJ.
Bukod sa pagiging senior stars ng TVJ sa showbiz industry, maraming pagkakataong nakatrabaho ni Carmina ang triumvirate sa iba't ibang proyekto.
Nagkasama rin noon sina Joey at Carmina sa Kapuso gag show na Nuts Entertainment (2003-2008).
Giit ni Mavy, “Definitely our whole family is definitely sensitive about the whole situation. Pero my parents are always about the improvement between Cassy and I.
“And they saw—and my dad saw na fit to take this opportunity to improve our hosting skills, to improve our connection with the Kapuso...
“And of course, the audiences in the live studio, they're always about self-improvement.
“Talagang made-develop yan in the future and they believed in that.”
Samantala, ang LUV IS: Love at First Read ay mapapanood na sa GMA-7 simula June 12, mula Lunes hanggang Biyernes, 5:40 p.m.
Read:
- New 'Eat Bulaga! host Paolo Contis appeals to the public: "I hope you give us a chance..."
- Tito Sotto on the day TVJ left TAPE: "Parang sila ang may-ari sa amin. Nakakapikon na.
- What do netizens say about revamped 'Eat Bulaga!' and its hosts?
- Kim Chiu admits It's Showtime never competed with Eat Bulaga!: "Di naman sila kalaban."