Makahulugan ang post ni Andrea Brillantes, 20, tungkol sa Independence Day dahil nagkataong mainit na usapin ngayon ang hiwalayan nila ng basketball player na si Ricci Rivero, 25.
READ Ricci Rivero confirms breakup with Andrea Brillantes amid cheating allegations
Kasabay ng pagdiriwang ng Araw ng Kalayaan kahapon, June 12, 2023, nag-post ang actress-influencer ng mga larawan niya habang umiinom ng wine.
Makahulugang caption ni Andrea sa kanyang post, “Freedom in mind. Faith in words. Pride in our souls [heart emoji] Happy independence day [smiling face with three hearts emoji]”
View this post on Instagram
THE BREAKUP
Si Ricci mismo ang nagkumpirma sa hiwalayan nila ni Andrea sa pamamagitan ng Twitter noong June 9, 2023.
Kahit hindi niya direktang pinangalanan si Andrea sa kanyang statement, malinaw na ito ay patungkol sa breakup nila ng aktres.
Inaako raw ng actor-basketball player ang pagkakamaling huwag isapubliko ang estado ng kanyang relasyon dahil naramdaman niyang hindi na kailangang dagdagan pa kung ano ang pinagdadaanan nila.
Nakiusap naman itong irespeto ang kanilang desisyong manahimik upang ipreserba kung anuman ang natitira sa kanilang "friendship."
READ Andrea Brillantes and Ricci Rivero relationship timeline
Pahayag ni Ricci (published as is), "I own up to the mistake of not making my relationship status public because I felt there’s no need to add up to what were going through.
"Please respect our decision to keep it to ourselves so that we can preserve whats left of our friendship.
“I hope let’s stop creating your own versions and dragging other characters into these false accusations.
"I am sorry for whatever disappoinments it may have caused you - for everyone’s peace of mind, please allow ourselves to heal and move on peacefully without hate and pain.”
THIRD PARTY?
Idinadawit naman ng supporters ni Andrea sa hiwalayan ng aktres at ni Ricci ang beauty queen at Los Baños, Laguna councilor na si Leren Mae Bautista.
Pero mariin itong itinanggi ng ilang malapit kay Leren, base sa ulat ng Cabinet Files.
READ Former beauty queen Leren Mae Bautista, idinadawit sa Ricci Rivero-Andrea Brillantes breakup
Kahapon ay naglabas din ang opisina ni Leren Mae ng pahayag ukol sa isyu.
Mariing itinanggi ng kampo ni Leren Mae ang paratang na siya ang dahilan ng hiwalayan nina Ricci at Andrea.
Bahagi ng kanyang statement, “We would like to address the disinformation that has been circulating across social media platforms regarding Councilor Leren and her alleged romantic involvement with basketball player Ricci Rivero. We want to make it clear that these claims are entirely false and have no basis in reality.”
Lumalabas namang selos daw ang dahilan ng hiwalayan nina Andrea at Ricci.
READ Andrea Brillantes, nakipag-break kay Ricci Rivero dahil sa selos