Nalungkot nang labis si Alden Richards na napahiwalay siya kina Tito Sotto, Vic Sotto, Joey de Leon at iba pang Legit Dabarkads na lumipat sa TV5.
Read: Alden Richards reiterates loyalty to TVJ amid 'Eat Bulaga!' controversy
“Personally, I was of course very sad,” matamang sambit ni Alden sa mediacon ng Battle of the Judges ngayong Linggo, Hulyo 9, 2023, sa GMA Network Center, Quezon City.
“Na yun nga, of course, the whole management decided to transfer to a different network
“And I’ve been in talks, of course, with yung mga ka-close ko po doon sa Team Dabarkads, Dabarkads hosts or members of the staff and crew.
“I love these people dearly. Ang tagal ko po silang kasama.
“It’s a good six, seven years of my entire career. I’m eleven, turning twelve years in the industry. So most likely, kalahati ng buhay ko sa Eat Bulaga!, nasa Eat Bulaga! po ako.
“So siyempre, of course, wala po akong karapatang makialam sa desisyon ng management ng parehong kampo dahil isa lamang po akong empleyado.
“Pero kumbaga, kung sa personal ko pong damdamin—sa puso—malungkot po ako na parang hindi na ako makakabalik sa pamilya na almost half of my career, nandoon ako.
“But we still remain friends, even off cam. But yun nga po, yung opportunity na makalipat muli, makita po sa TV5, medyo yun po kasi ang… of course, hindi lang naman po GMA ang merong ganung exclusivity.
“All the other networks have that. But siguro, kahit saan man po ako mapunta, yung puso ko po bilang Dabarkads, hindi na mawawala yan.”
ALDEN PROUD OF DEEPER RELATIONSHIP WITH DABARKADS
Isa si Jose Manalo sa apat na hurado ng Battle of the Judges. Ang iba pang judges ay sina Boy Abunda, Bea Alonzo at Atty. Annette Gozon-Valdes.
Wala si Jose sa mediacon ng Battle of the Judges dahil nasa Amerika ito.
Nakaapekto ba sa working relationship nila ni Jose na lumipat na sa TV5 ang Legit Dabarkads?
“Zero po. Mas lumalim pa. Mas lumalim pa!” mabilis na tugon ng Asia’s Multimedia Star.
“Kasi, pagsubok po ito sa aming lahat, e, na mga Dabarkads. And talagang sabi nga po, ‘Ang tunay na ugali ng tao, makikita mo hindi lang kapag lasing kundi when faced with yung mga ganitong circumstances,’ na talagang susubok sa pagkatao mo.
“True enough na kung paano ko nakilala itong mga taong ito, kahit na nasa malayo na sila, kahit nasa ibang istasyon na po sila, we remain intact.”
CAN ALDEN GUEST OR PROMOTE IN EAT BULAGA! OR IT'S SHOWTIME?
Mag-uumpisa na ang Battle of the Judges sa Hulyo 15, Sabado ng 7:15 p.m. sa GMA-7.
Magpu-promote ba siya sa revamped Eat Bulaga!, o kaya ay sa It’s Showtime ng GTV?
Napabuntong-hininga si Alden, “Malaki po ang pasasalamat ko kay Ms. Annette Gozon. Kasi, sa kanya ko po in-open up ito.
“Sabi ko, ‘Ms. Annette, ngayon pa lang po, sasabihin ko na po na everything that has happened in the noontime world natin ngayon sa Pilipinas, ahh kung puwede hingin ko lang po na…
“‘Kumbaga, alam niyo naman po kung saan ako galing. Alam niyo po yung, of course, in terms of yung relationship na meron ako, siyempre po, nandito po yun sa TVJ and sa Eat Bulaga!’
“With those words, hindi ko na kailangang magpaliwanag.
“But let me clarify lang po, na ‘not necessarily’ means hindi po ako magiging regular or guest with these noontime shows, is hindi po ako puwedeng mag-promo ng shows na meron po ako under GMA.
“So if it’s about promo, OK po. Pero as a guest or regular host, baka hindi po muna.
“Kasi of course, yung puso ko po is with the Dabarkads.”
ALDEN REAFFIRMS LOYALTY TO ORIGINAL EAT BULAGA! DABARKADS
Walang pagbabawal kay Alden na banggitin ang Eat Bulaga! sa mediacon ng Battle of the Judges. Alam ng Kapuso management iyon.
“Opo, wala po. They know. And it’s a matter of fact,” pagtango ni Alden.
In-offer na ba siyang mag-guest sa It’s Showtime or revamped Eat Bulaga!?
“Na-offer po. Ayoko po kasing magmagaling kaya hindi po ako nangunguna sa ganyan e,” pagsisiwalat ni Alden.
“So, naghintay lang po ako. Tahimik lang po ako all throughout the issue. Hindi po ako nakisawsaw.
“Pero by the time po kasi na natanong ako about yung loyalty ko sa… not naman loyalty but my relationship with TVJ, siyempre sinabi ko po yung piece ko.
“Hindi naman po ako plastik, e. Hindi ko puwedeng sabihin na wala kaming pinagsamahan ng Dabarkads before.
“Hindi ko puwedeng sabihin na dahil wala na sila sa GMA is hindi na ako… kumbaga, I let go of the things that we have shared all throughout those seven years.
“Hypocrite naman po ako siguro kung ganun ako, di ba? So, sinabi ko lang po yung totoo, yung matter of fact, yung sa mata ng tao na nakita nila all throughout those seven years.
“And siguro, I think that’s basic human rights mo, e. Karapatan ko po yun, e, to really defend yung relationship at yung respetong ibinibigay ko sa mga taong nakakasama ko po dito sa showbiz.
“I think that’s what really matters to me more than anything is the relationship, and you know yung pagiging tao ko sa harap nila.”
May dadaluhan ba siyang kasal this July?
Natigilan sandali si Alden bago sumagot, “Medyo puno po kasi yung schedule ko ngayon… wala po yata.”