Napuwersa ang lady boss ng Kapuso Network na si Atty. Annette Gozon-Valdes (AGV), SVP for Programming, Talent Management, Worldwide, and Support Group and president and CEO of GMA Films, upang maging isa sa apat na hurado ng talent competition na Battle of the Judges.
“Nautusan ako na mag-judge dito sa show na ito,” pagsisiwalat ni AGV sa mediacon noong Hulyo 9, 2023, Linggo, sa Studio 6 ng GMA Network, Quezon City.
“Kasi, gusto nila ng perspective nga of an executive involved in, you know, managing talents.
“So kakaiba, ninerbiyos talaga ako when I joined the show, and talagang sa totoo, nakaka-intimidate kasi itong mga ibang judges na kasama ko.”
Hurado rin sa Battle of the Judges sina Boy Abunda, Bea Alonzo, at Jose Manalo.
Pagpapatuloy ni AGV, “So, siguro I just really have to try my best and I have to fight for my squad.
“Pero at the same time, yun nga ang sinasabi ko sa kanila, e. In the end, yung grand winner, we will all be a part of that person’s journey.
“So, yun ang maganda. Kasi, nagkakaroon kami ng personal investment not just with our own squad members but also with the others.
“Minsan nga, kunyari pag nagdya-judge, ang hirap mag-judge. Parang ayaw mong mawala yung mga contestants.
“So, ganun kahirap mag-judge sa show na ito. And sana talaga ay tama yung mga pipiliin namin.”
Isa sana sa mga hurado ng Battle of the Judges si Ms. Lilybeth G. Rasonable, ang senior vice president for GMA Entertainment Group.
Salaysay ni Annette, “Actually, dapat si Ms. Lilybeth yung maging judge din, e. Pinagpipilian din siya, kaya lang, ayaw niya talaga.
“Tapos parang… parang binully lang ako during the meeting. Na parang, ‘Ikaw na! Ikaw na!’
“Sabi ko, ‘Ha? Talaga? Ang dami kong ginagawa!’ ‘Hindi! Ikaw na!’ Tapos, wala na akong choice.”
Susog ni Ms. Lilybeth, “Totoo yan, binully namin siya. ‘Ms. Annette, kailangan talaga, ikaw yan! Wala nang iba!’ Ganyan talaga sa meeting.
“Alam niyo naman si Ms. Annette, di ba, ‘Okay…’ Baligtad. Pero nakikita naman natin yung value ng pag-upo ni Ms. Annette dun sa panel.
“And you can see how much they are enjoying themselves. So it was a great choice.”
(From left) Boy Abunda, Bea Alonzo, Atty. Annette Gozon-Valdes, and Alden Richards
FIERCEST RIVAL
Nagbiro si Boy Abunda na si Annette ang pinakamatinding kalaban niya sa Battle of the Judges ng GMA Network.
Katuwiran ng King of Talk, “Siya ang may-ari.”
Pagkontra kapagkuwan ni Annette, “Naku, hindi nga! Sa totoo nga, minsan nagmamakaawa na ako sa kanila para iboto yung contestant ko. Baligtad yata yung sinabi niya! Ha! Ha! Ha! Ha!”
Read: Boy Abunda, wala sa listahan ang maging noontime show host
Hindi magiging factor iyong posisyon niya sa TV station sa pagiging hurado ng talent competition?
Natatawa pa ring tugon ni Annette, “Parang hindi. Parang wala. Walang-wala! Ha! Ha! Ha! Ha!
“Kahit tanungin niyo sila. Nagmamakaawa nga ako sa kanila. Ha! Ha! Ha! Ha! Ha! Ha!”
Later on ay bumawi si Tito Boy, “Kanina binibiro namin si Annette. Nakakailang tapings na kami. Annette, I wanna say this, kasi very, very clearly.
“Ni kahit minsan, hindi ipinaramdam ni Annette sa amin that she’s our boss. Never.
“She sits in the board’s table as one of us. And that’s really appreciated. That’s really appreciated.”
Read: Kris Aquino reveals breakup with Mark Leviste
WHAT ANNETTE IS LOOKING FOR IN A CONTESTANT
Bilang network executive, ano ang maipapayo ni Atty. Annette sa mga kalahok sa talent competition? Paano niya gagabayan ang contestants?
“As a network executive, ang talagang hinahanap ko at tinitingnan ko, yung talents na kaya kong magamit sa telebisyon, sa movies,” pagtatapat ni AGV.
“Yun ang hinahanap ko talaga first and foremost. Pero yung difficulty nun is, the range of the talents na pinapakita ng mga contestants, sobrang wide. Sobrang magkakaiba.
“So, ang important na lang for me is to see how they can be visually stunning, may visual wow, auditory factor.
“Plus ang na-realize ko, kailangan talaga and very important yung emotional attachment nila sa audience.
“So I think, sa bawa’t contestant, kailangan complete package. Lahat nandun yung ingredients, and I think lahat yun ang tina-try naming gawin when we mentor them.”
Ang pilot episode ng Battle of the Judges ay sa Hulyo 15, Sabado ng 7:15 p.m. sa GMA-7. Ang host ng talent competition na ito ay si Alden Richards.
Sa Battle of the Best o elimination round, dalawampu’t apat (24) ang squad members.
Sa Battle to the Top na semifinal round, labindalawang (12) performers na lamang ang magtatagisan for six rounds.
At sa final level na The Ultimate Battle, anim na performers ang mgbabardagulan. Isa lamang ang hihiranging kampeon.