Pormal na ang pagbabalik-Kapuso ni former Manila Mayor at ngayo’y Eat Bulaga! host na si Isko Moreno.
Ito’y matapos niyang pumirma ng management contract sa Sparkle (formerly GMA Artist Center), ang talent management arm ng GMA Network, ngayong Huwebes, July 20, 2023.
Sa Instagram account ng Sparkle GMA Artist Center, ipinost nila ang kuhang mga larawan ni Isko sa ginanap na contract signing, kasama ang ilang executives ng Kapuso Network.
Mababasa sa caption ng Sparkle GMA Artist Center, “#EatBulaga host Isko Moreno says he's happy to be home as he signs with Sparkle GMA Artist Center.
“Here he is making it official during today's contract signing. Also present are GMA's Senior Vice President Ms. Annette Gozon-Valdes, and Sparkle's Vice President Ms. Joy Marcelo and Senior Talent Manager Ms. Tracy Garcia.”
Para sa kaalaman ng lahat, nagsimula ang karera sa showbiz ni Isko nang mapabilang siya sa Kapuso youth-oriented show ni German “Kuya Germs” Moreno, ang That's Entertainment, noong 1986.
Read: Isko Moreno muling sinayaw ang signature dance matapos ang "30 years"
Samantala, pumirma rin ng management contract sa Sparkle si Miss Universe 2022 Celeste Cortesi.
Sa social media post ng Sparkle GMA Artist Center, makikita si Celeste na all smile habang may hawak-hawak na bouquet of flowers.
Read: Celeste Cortesi "heartbroken but grateful" about failed Miss Universe 2022 bid
Mababasang caption sa larawan niya, "Miss Universe Philippines 2022 Celeste Cortesi is the newest addition to the Sparkle family.
"Here she is making it official during today's contract signing. Also present are GMA's Senior Vice President Ms. Annette Gozon-Valdes, and Sparkle's Vice President Ms. Joy Marcelo and Senior Talent Manager Ms. Tracy Garcia."
Sa hiwalay na post sa Instagram, ibinahagi rin ni Celeste ang ilang kuha niyang larawan kasama ang GMA-7 bosses.
Read: Celeste Cortesi trends on Twitter after appearing on Darna finale
Kalakip nito ang pasasalamat niya sa mainit na pagtanggap ng GMA-7, na bago niyang tahanan.
Ani Celeste, "Happy and grateful to finally call GMA my home @sparklegmaartistcenter.
"Thank you very much @annettegozonvaldes @joymarcelo1115 @tracymgarcia for the trust and for welcoming me. And of course to my manager @ranvelrufino."
Dagdag pa niya, "I’m excited for what’s to come. Proud to be kapuso."